عوام کوں تیل دیاں قیمتاں اچ ریلیف ݙیوݨ حکومت دی اولین ترجیح اے،علی پرویز ملک

لاہور۔4 اکتوبر (اے پی پی) وفاقی وزیرِ پٹرولیم علی پرویز ملک آکھیے جو وزیراعظم محمد شہباز شریف دی ہدایت تے عوام کوں تیل دیاں قیمتاں اچ ریلیف ݙیوݨ اولین ترجیح اے، سیالے اچ گیس دی بلا تعطل فراہمی کیتے وقتی اقدامات کیتے ویندے پئن، 90 لکھ توں ودھ شہری 100 روپے لیٹر تیل دی سکیم توں فیدہ چاتے، عالمی منڈی اچ تیل دیاں قیمتاں گھٹ تھیندے ہی پاکستان اچ وی پٹرولیم مصنوعات سستیاں کر ݙتیاں ویسن۔خیبر پختونخوا اچ دہشت گرد ول سر چاوݨ دی ناکام کوشش کریندے پئن، ریاست دا تحفظ اولین ترجیح اے، قومی مفادات کیتے سیاسی اختلافات بالائے طاق رکھݨے ہوسن، قوم دہشت گردی دے خلاف پاک فوج دے رلے کھڑی اے، مکہ مشترکہ معاہدے دے تحت ترکی نال رل تے سعودیہ دا دفاع کریسوں۔ اے ڳالھ انہاں آپݨے حلقے مغلپورہ اچ عوامی اجتماع تے میڈیا نال ڳالھ کریندے آکھی اے۔وفاقی وزیرِ پٹرولیم آکھیا جو ملک تے خطے کوں ایں ویلھے وݙے چیلنجز دا سامݨا اے، خیبر پختونخوا اچ دہشت گردی دے ول ودھدے واقعات تشویش ناک ہن، موجودہ حالات قومی اتحاد تے یکجہتی دے متقاضی ہن، دہشت گردی منڈھوں خاتمے تے ملکی سرحداں دے تحفظ کیتے پوری قوم کوں اپݨی عسکری قیادت دے رلے کھڑا تھیوݨا ہوسی۔