یوم تشکر، وفاقی دارالحکومت اچ ٣١، صوبائی دارالحکومتاں اچ ٢١، ٢١ توپاں دی سلامی ݙتی ڳئی

اسلام آباد۔ 16 مئی (اے پی پی) معرکہ حق۔ آپریشن بنیان مرصوص اچ افواج پاکستان دی شاندار جت تے وفاقی دارالحکومت اچ توپاں دی گھن گرج تھیندی پئی اے۔ وفاقی دارالحکومت دے نال سارے صوبائی دارالحکومتاں بشمول جموں تے کشمیر اتے گلگت بلتستان اچ وی توپاں دی سلامی ݙتی ڳئی۔ یوم تشکر دے موقع تے اسلام آباد اچ ٣١ جݙاں جو صوبائی دارالحکومت اچ ٢١، ٢١ توپاں دی سلامی ݙتی ڳئی۔ ایں موقع تے پاک فوج دے جواناں ملک دے دفاع دا عزم کیتا۔ پاک فوج دے جواناں دشمن دی کہیں وی جارحیت دا منہ ٻھن جواب ݙیوݨ دا عزم وی کیتا۔ پاکستان دی فضا نعرہ تکبیر، پاکستان زندہ باد اتے افواج پاکستان پائندہ باد نال گونج اٹھی۔ معرکہ بنیان مرصوص؍یوم تشکر دے موقع تے ݙینھ دا آغاز قرآن خوانی اتے دعائیں دے نال تھیا۔ معرکہ حق، آپریشن بنیان مرصوص اچ افواج پاکستان دی شاندار جت تے قوم اڄ ملی جوش و جذبے دے نال یوم تشکر منیندی پئی اے۔ ݙینھ دا آغاز مسجداں اچ استحکام پاکستان اتے ترقی تے خوشحالی دی خصوصی دعائیں دے نال کیتا ڳیا۔ بھارت دے غیر قانونی زیر تسلط جموں تے کشمیر دی آزادی کیتے وی خصوصی دعائیں دا اہتمام کیتا ڳیا۔ نمازِ تشکر دی ادائیگی دے بعد افواج پاکستان دی کامیابی تے کامرانی اتے شہیداں دے درجات دی بلندی کیتے قرآن خوانی کیتی ڳئی۔ مسیتاں اچ علما، عوام اتے پاک فوج دے جواناں ایں عہد کوں دہرایا جو دشمن دے ناپاک عزائم کوں ہرگز کامیاب نہ تھیوݨ ݙتا ویسی۔