وزیر اعظم دا بلوچستان دے ضلعیاں کیچ اتے آواران اچ بلوچستان لبریشن فرنٹ دے 3 دہشت گرداں کوں ہلاک اتے 2 کوں زخمی کر تے گرفتار کرݨ تے سکیورٹی فورسز کوں خراج تحسین

اسلام آباد۔19 مئی(اے پی پی)وزیر اعظم محمد شہباز شریف بلوچستان دے ضلعیاں کیچ اتے آواران اچ بھارتی سپانسرڈ دہشت گرد تنظیم بلوچستان لبریشن فرنٹ دے 3 دہشت گرداں کوں ہلاک اتے 2 کوں زخمی کر تے گرفتار کرݨ تے سکیورٹی فورسز کوں خراج تحسین پیش کیتے۔ وزیراعظم سکیورٹی فورسز دی پیشہ وارانہ مہارت اتے بھارتی ایجنڈے دے خلاف ویلھے سر کارروائی دی تعریف کریندے آکھیے جو بلوچستان اچ معصوم اتے نہتے شہریاں دی جان و مال کوں دہشت گردی نال خطرے اچ پاوݨ دی بھارتی سازش بے نقاب تھی چکی اے۔ وزیراعظم آکھیا جو اساں بھارت دے پاکستان اچ امن و امان کوں نقصان پچاوݨ دے مذموم عزائم کوں مٹی اچ ملا ݙیسوں، حکومت اتے سکیورٹی فورسز ملک توں دہشت گردی کوں منݙھو مکاوݨ کیتے پر عزم ہین۔