صدر مملکت دا بلوچستان اچ ݙو مختلف کارروائیاں اچ 3 دہشت گرد ہلاک کرݨ تے سکیورٹی فورسز کوں خراج تحسین

اسلام آباد۔19 مئی (اے پی پی)صدر مملکت آصف علی زرداری بلوچستان اچ ݙو مختلف کارروائیاں اچ 3 دہشت گرد ہلاک کرݨ تے سکیورٹی فورسز کوں خراج تحسین پیش کیتے۔ صدر مملکت انٹیلیجنس بیسڈ کارروائیاں اچ بھارتی پراکسی دے 3 دہشت گرداں کوں مکاوݨ تے سکیورٹی فورسز دی بہادری دی تعریف کریندے آکھیے جو دہشت گرداں دے مکمل خاتمے تئیں سکیورٹی فورسز دیاں کارروائیاں جاری راہسن۔ انہاں آکھیا جو پاکستان دی سکیورٹی فورسز دا دہشت گردی دے خاتمے کیتے کامیاب کارروائیاں کرݨ خوش آئند اے، دہشت گرد عناصر دے خاتمے اتے ملکی دفاع کیتے ساݙا عزم غیر متزلزل راہسی۔ صدر مملکت دہشت گردی دے مکمل خاتمے دے قومی عزم دا اظہار وی کیتا۔