راولپنڈی۔19 مئی(اے پی پی)پاک فوج دیاں بلوچستان اچ ݙو مختلف کارروائیاں اچ بھارتی پراکسی نام نہاد بلوچ لبریشن فرنٹ نال تعلق رکھݨ آلے ترئے دہشت گرد ماریے ڳئن۔ آئی ایس پی آر دے مطابق سکیورٹی فورسز خفیہ اطلاعات تے ضلع آواران دے علاقے گشکور اچ بھارتی سرپرستی اچ کم کرݨ آلے دہشت گرداں دی موجودگی دی اطلاع تے کارروائی کیتی۔ سکیورٹی فورسز دہشت گرداں دے ٹھکاݨے کوں مؤثر نشانہ بݨایا۔ …
پاک فوج دیاں بلوچستان اچ ݙو مختلف کارروائیاں، بھارتی پراکسی نام نہاد بلوچ لبریشن فرنٹ نال جڑے 3 دہشت گرد ماریے ڳئن
مزید خبراں
راولپنڈی۔19 مئی(اے پی پی)پاک فوج دیاں بلوچستان اچ ݙو مختلف کارروائیاں اچ بھارتی پراکسی نام نہاد بلوچ لبریشن فرنٹ نال تعلق رکھݨ آلے ترئے دہشت گرد ماریے ڳئن۔ آئی ایس پی آر دے مطابق سکیورٹی فورسز خفیہ اطلاعات تے ضلع آواران دے علاقے گشکور اچ بھارتی سرپرستی اچ کم کرݨ آلے دہشت گرداں دی موجودگی دی اطلاع تے کارروائی کیتی۔ سکیورٹی فورسز دہشت گرداں دے ٹھکاݨے کوں مؤثر نشانہ بݨایا۔ شدید فائرنگ دے تبادلے دے بعد بھارتی ٻانھ ٻیل دہشت گرد یونس ہلاک جݙاں جو ݙو ٻئے دہشت گرد زخمی تھی ڳئے۔ ہک ٻئی کارروائی اچ ضلع کیچ دے علاقے تربت شہر اچ سکیورٹی فورسز کامیاب کارروائی کریندے ہوئے ݙو بھارتی ٻانھ ٻیل دہشت گرداں کوں ہلاک کر ݙتا جنہاں دی سنڄاݨ دہشت گرد نیٹ ورک دے سرغنہ صبر اللہ اتے دہشت گرد امجد عرف بچھو دے ناں نال تھئی۔ ہلاک دہشت گرداں توں اسلحہ، گولہ بارود اتے دھماکہ خیز مواد وی ملیے۔ اے دہشت گرد قانون نافذ کرݨ والے اداریاں تے حملیاں اتے معصوم شہریاں دی ٹارگٹ کلنگ سودھا کئی دہشت گرد کارروائیاں اچ ملوث ہن۔ علاقے اچ کلیئرنس آپریشن جاری اے تاں جو کہیں وی باقی رہݨ آلے دہشت گرد کوں ختم کیتا ونڄ سڳے۔ آئی ایس پی آر دے مطابق پاکستان دی سکیورٹی فورسز قوم دے مونڈھے نال مونڈھا ملا تے بلوچستان اچ امن، استحکام اتے ترقی کوں سبوتاژ کرݨ دیاں بھارتی پراکسیز دیاں کوششاں کوں ناکام بݨاوݨ کیتے پرعزم ہن۔
