وفاقی وزیر منصوبہ بندی احسن اقبال دی وزیر اعلیٰ بلوچستان نال ملاقات، صوبے اچ پی ایس ڈی پی دے تحت جاری ترقیاتی منصوبیاں تے گالھ مہاڑ

اسلام آباد۔20مئی (اے پی پی) وفاقی وزیر منصوبہ بندی احسن اقبال دی وزیر اعلیٰ بلوچستان میر سرفراز بگٹی نال اسلام آباد اچ ملاقات تھئی۔ ملاقات اچ صوبے اچ پی ایس ڈی پی دے تحت جاری ترقیاتی منصوبیاں تے تفصیلی گالھ مہاڑ کیتی گئی۔ ایں موقع تے بلوچستان دی ترقی، وسائل دی منصفانہ ونڈ اتے بہتر منصوبہ بندی بارے اہم مشورہ کیتا گیا۔ ملاقات اچ گالھ کریندیں ہوئیں وفاقی وزیر تے منصوبہ بندی احسن اقبال آکھیا جو حکومت بلوچستان دی ترقی کیتے ہر ممکن تعاون ݙیندی پئی اے، صوبے اچ جاری منصوبے عوامی فلاح اتے دیرپا ترقی ول مثبت قدم ہن۔ وفاقی تے صوبائی حکومتاں اچ ہم آہنگی دے ذریعے بلوچستان کوں ترقی دی نویں راہواں تے ٹریسوں۔ احسن اقبال آکھیا جو کوشش اے جو آندے پی ایس ڈی پی دا حجم ودھا تے صوبیاں کوں ٻئے ترقیاتی موقع ݙتے ونڄن۔ ملاقات اچ وزیر اعلیٰ بلوچستان میر سرفراز بگٹی پی ایس ڈی پی 26-2025 دا جائزہ گھدا اتے سارے منصوبیاں تے اطمینان کیتا۔ وزیر اعلیٰ آکھیا جو صوبائی حکومت ترقیاتی عمل اچ وفاق نال قدم نال قدم ملا تے چلݨ کیتے پرعزم اے، ترقیاتی ایجنڈے اچ وفاق نال صوبیاں دی شراکت قابل تعریف اے۔