فیلڈ مارشل سید عاصم منیر اَتے افواج پاکستان بھارت کوں پاکستان دی مؤثر جوابی کارروائی تے تعریف دے حقدار ہن، صدر مملکت

اسلام آباد۔20 مئی(اے پی پی) صدر مملکت آصف علی زرداری سید عاصم منیر کوں فیلڈ مارشل دے عہدے تے ترقی ملݨ تے مبارک ݙیندے آکھیے جو بھارتی حملیاں دے جواب اچ پاکستان دی مؤثر جوابی کارروائی تے فیلڈ مارشل سید عاصم منیر اَتے افواج پاکستان تعریف دے حقدار ہن۔ صدر مملکت بلا اشتعال بھارتی جارحیت دا بھرپور جواب ݙیوݨ اَتے دشمن دے مکروہ ارادیاں کوں ناکام بݨاوݨ تے فیلڈ مارشل سید عاصم منیر دے کردار دی تعریف کیتی۔ انہاں آکھیا جو فیلڈ مارشل دا عہدہ دفاع وطن کیتے تہاݙیاں خدمتاں دا اعتراف اے۔ صدر مملکت آکھیا جو بھارتی جارحیت دے جواب اچ جنرل سید عاصم منیر دی قیادت اچ افواجِ پاکستان بہترین حکمت عملی نال دشمن دا غرور مٹی اچ رلا ݙتا، ملکی سلامتی اَتے خودمختاری دے تحفظ، دہشت گردی دے خلاف جنگ اچ پوری قوم فیلڈ مارشل سید عاصم منیر دیاں خدمتاں کوں سراہندی اے۔ صدر مملکت، ایئر چیف مارشل ظہیر احمد بابر سدھو کوں اپݨے عہدے دی مدت اچ توسیع تے مبارک ݙیندے آکھیا جو ایئر چیف مارشل دی کامیاب جنگی حکمت عملی پاروں پاکستان دشمن کوں سخت جواب ݙتا۔ انہاں آکھیا جو پاک فضائیہ ایئر چیف مارشل دی قیادت اچ بھارتی فضائیہ کوں مکمل شکست ݙتی۔ صدر مملکت فیلڈ مارشل سید عاصم منیر اَتے ایئر چیف مارشل ظہیر احمد بابر سدھو کیتے نیک خواہشات پچائن۔