اسلام آباد۔ 27 جون (اے پی پی) وزیر خزانہ محمد سینیٹر محمد اورنگزیب آوݨ آلے مالی سال 2025-26ء دے وفاقی بجٹ دی منظوری تے پارلیمنٹ دے ݙوہائیں ایواناں دے ݙوہائیں پاسے دے ارکان کوں مبارخ ݙیندیں ہوئیں قومی اسمبلی اَتے سینیٹ دے نال نال بجٹ سازی دے عمل اچ معاونت کرݨ آلے ٻئے اداریاں دے ملازماں دی ݙینھ رات کوششاں اَتے محنت دا اعتراف کریندیں ہوئیں انہاں کیتے 5، 5 بنیادی تنخواہ دے برابر اعزازیہ ݙیوݨ دا اعلان کیتا اے۔جمعه کوں قومی اسمبلی اچ ضمنی اَتے زائد مطالبات زر دی منظوری دے بعد اختتامی کلمات اچ انہاں آکھیا جو بجٹ دا عمل مکمل کرݨ اچ کامیاب رہے۔ ݙوہائیں ایواناں دے ارکان دا شکریہ ادا کریندوں۔ ݙوہائیں پاسوں دے ارکان بجٹ سازی اچ بھرپور حصہ گھدا۔ بجٹ سازی اچ رہنمائی کیتی۔ اختلاف رائے جمہوریت دا حسن اے۔ سپیکر اپوزیشن کوں کھل تے موقع ݙتے۔ فورم کوں ݙوہائیں ایواناں دے سیکرٹری اَتے افسران تے عملے بجٹ سیشن اچ محنت و لگن دا مظاہرہ کیتا ایں تے مبارخ ݙیندوں۔ سپیشل سیکرٹری مشتاق اَتے قانونی ٹیم بجٹ دستاویزات کوں کہیں وی غلطی دا کوئی احتمال نہ ہووݨ کیتے کئی راتاں کم کیتا۔ ایں موقع تے انہاں قومی اسمبلی اَتے سینیٹ اَتے ٻئے سارے سرکاری اداریاں دے ملازماں جنہاں بجٹ سیشن اچ بجٹ سازی اَتے ایں دی منظوری دے عمل اچ معاونت فراہم کیتی۔ انہاں ݙینھ کوششاں اَتے محنت دا اعتراف کریندیں ہوئیں انہاں کیتے پنج پنج بنیادی تنخواہ دے برابر اعزازیہ دا اعلان کیتا۔
