اسلام آباد۔ 10 جولائی(اے پی پی)وزیراعظم محمد شہباز شریف ہدایت کیتی اے جو ملک اچ ای کامرس کوں ٻیا ودھاوݨ دا لائحہ عمل ݙیوݨ کیتے کمیٹی ٻݨائی ونڄے اَتے ای کامرس پلیٹ فارمز تے مصنوعات ویچݨ آلے پاکستانی کاروباراں دی تعداد اچ مزید ودھارے کیتے اقدامات کیتے ویسن۔ وزیراعظم محمد شہباز شریف نال بین الاقوامی ای کامرس کمپنی علی بابا گروپ دی انٹرنیشنل مارکیٹس دے صدر جیمز ݙونگ دی قیادت …
ای کامرس برآمدات اچ ودھارے دا ٻہوں وݙا ذریعہ اے، وزیراعظم محمد شہباز شریف
مزید خبراں
اسلام آباد۔ 10 جولائی(اے پی پی)وزیراعظم محمد شہباز شریف ہدایت کیتی اے جو ملک اچ ای کامرس کوں ٻیا ودھاوݨ دا لائحہ عمل ݙیوݨ کیتے کمیٹی ٻݨائی ونڄے اَتے ای کامرس پلیٹ فارمز تے مصنوعات ویچݨ آلے پاکستانی کاروباراں دی تعداد اچ مزید ودھارے کیتے اقدامات کیتے ویسن۔ وزیراعظم محمد شہباز شریف نال بین الاقوامی ای کامرس کمپنی علی بابا گروپ دی انٹرنیشنل مارکیٹس دے صدر جیمز ݙونگ دی قیادت اچ 6 رکنی وفد ملیے۔ وزیراعظم محمد شہباز شریف ملک اچ ای کامرس کوں ٻیا فروغ ݙیوݨ دا لائحہ عمل ݙیوݨ کیتے کمیٹی ٻݨاوݨ دی ہدایت کیتی۔ وزیراعظم متعلقہ حکام کوں ہدایت کیتی جو ای کامرس پلیٹ فارمز تے مصنوعات ویچݨ آلے پاکستانی کاروباراں دی تعداد ودھاوݨ دے اقدامات کیتے ویسن۔ وزیراعظم آکھیا جو اڄوکے دور اچ ای کامرس برآمدات اچ خاطر خواہ ودھارے دا ہک بہوں وݙا ذریعہ اے، ای کامرس حکومت دے برآمدات تے مبنی معیشت دے وژن دی تکمیل دے عمل دا ہک انتہائی اہم عنصر اے۔ جیمز ݙونگ بین الاقوامی سطح تے ای کامرس دے ذریعے تجارت اچ پاکستانی کاروباری برادری دے کلیدی کردار کوں سراہیا۔ جیمز ݙونگ آکھیا جو ایں ویلھے علی بابا ویب سائٹ تے ہک لکھ توں ودھ پاکستانی مقامی طور تے تیار کردہ مصنوعات وچیندے پئن، علی بابا دے پلیٹ فارم تے پاکستانی ٹیکسٹائل مصنوعات دی مانگ اَتے فروخت سب توں ودھ اے۔ انہاں آکھیا جو پاکستان اچ ای کامرس کوں ٻیا وسعت ݙیوݨ دی لا محدود استعداد موجود اے۔ جیمز ݙونگ علی بابا گروپ تے پاکستانی تاجراں دی تعداد ودھاوݨ کیتے انٹرپرینیورز دی ای کامرس اچ تکنیکی تربیت ودھاوݨ تے زور ݙتا۔ ملاقات اچ وفاقی وزیر آئی ٹی شزا فاطمہ خواجہ، چیئرمین ایف بی آر اَتے متعلقہ اداریاں دے اعلیٰ افسران وی موجود ہن۔
