راولپنڈی۔ 27 جون (اے پی پی) چیف آف آرمی سٹاف فیلڈ مارشل سید عاصم منیر پاکستان دے سٹریٹجک اَتے ترقیاتی مقاصد کوں اڳوں ودھاوݨ کیتے بین الادارہ جاتی ہم آہنگی، آپسی احترام اَتے متحد قومی مقصد دی اہمیت تے زور ݙتے۔ انہاں نوجوان افسراں تے زور ݙتا جو او قوم کیتے آپݨی ذمے واریاں اچ دیانتداری، پیشہ ورانہ مہارت اَتے حب الوطنی دے عزم دے اعلیٰ ترین معیارات کوں اپناون۔جمعه کوں آئی ایس پی آر توں جاری بیان موجب چیف آف آرمی سٹاف فیلڈ مارشل سید عاصم منیر آرمی آڈیٹوریم اچ تھیوݨ آلے سیشن اچ سول سروسز اکیڈمی دے 52 ویں کامن ٹریننگ پروگرام (سی ٹی پی) دے پروبیشنری افسراں نال ڳالھ مہاڑ کریندے پئے ہن۔ سول سروسز اکیڈمی دے پروبیشنری افسران امن دے ویلھے دے مقامات اَتے کشمیر، خیبرپختونخوا اَتے بلوچستان دے آپریشنل علاقیاں اچ پاک فوج دے فارمیشنز دے نال منسلک رہے۔ انہاں افسراں مختلف ڳالھ مہاڑاں اَتے دوریاں اچ خدمات دا بھرپور تجربہ حاصل کیتا۔ آرمی چیف دے نال اے ڳالھ مہاڑ ہک وسیع تر قومی اقدام دا حصہ اے، جئیں دا مقصد ادارہ جاتی ہم آہنگی کوں مضبوط بݨاوݨ اَتے پاکستان دی سول اَتے فوجی قیادت وچال آپسی مفاہمت کوں ودھاوݨ اے۔آپݨے خطاب اچ فیلڈ مارشل سید عاصم منیر قومی سلامتی دے تقاضیاں، موجودہ اندرونی اَتے بیرونی چیلنجز، اَتے علاقائی امن اَتے قومی استحکام دے تحفظ اچ پاکستان دی مسلح افواج دے اہم کردار سودھے کئی اہم معاملیاں تے ڳالھ کیتی۔ انہاں پاکستان دے سٹریٹجک اَتے ترقیاتی مقاصد کوں اڳوں ودھاوݨ کیتے بین الادارہ جاتی ہم آہنگی، آپسی احترام اَتے متحد قومی مقصد دی اہمیت تے زور ݙتا۔ چیف آف آرمی سٹاف ریاستی حکمرانی دے ڈھانچے اچ ہک قابل، شفاف اَتے خدمت تے مبنی سول بیوروکریسی دے ناگزیر کردار کوں ٻیا نشابر کیتا۔ انہاں نوجوان افسراں تے زور ݙتا جو او قوم کیتے آپݨی ذمے واریاں دی تکمیل اچ دیانتداری، پیشہ ورانہ مہارت اَتے حب الوطنی دے عزم دے اعلیٰ ترین معیارات کوں اپناون۔سی ٹی پی دے شرکاء سینئر عسکری قیادت دے نال روابط اَتے پاک فوج دی قیادت دے اسٹریٹجک ویژن، آپریشنل تیاری اَتے قومی عزم اَتے ترقی اچ ایں دے کثیر جہتی تعاون بارے رہنمائی حاصل کرݨ دا موقع فراہم کرݨ تے تعریف کیتی۔ اے دورہ ہک انٹرایکٹو سوال تے جواب دے سیشن نال مُکیا، جو تعمیری مکالمے، سانجھی ذمے واری اَتے پاکستان دی پائیدار ترقی کیتے اجتماعی لگن دی عکاسی کریندے۔
