پاکستان اچ نوجواناں دی وݙی آبادی ہک غیر معمولی موقع ہووݨ دے نال ہک اہم چیلنج وی اے، وزیراعظم شہباز شریف دا آبادی دے جڳ ݙیھاڑ تے سنیھا

اسلام آباد۔ 11 جولائی (اے پی پی) وزیراعظم محمد شہباز شریف آکھیا جو پاکستان اچ نوجواناں دی وݙی آبادی ہک غیر معمولی موقع ہووݨ دے نال ہک اہم چیلنج وی اے، حکومت نوجواناں کوں قومی ترقی بروئے کار گھن آوݨ کیتے اقدامات کریندی پئی اے۔ آبادی دے عالمی ݙینھ تے آپݨے سنیھے اچ وزیراعظم آکھیا جو ہر سال آبادی دا عالمی ݙینھ ایں عزم دے نال منایا ویندے جو آبادی اچ پائیدار ودھارے اَتے جامع ترقی کوں فروغ ݙیوݨ کیتے پوری دنیا متحد ہے۔ ایں سال عالمی یوم آبادی دا عنوان “نوجواناں کوں بااختیار بݨاوݨ جو او ہک منصفانہ اَتے پُر امید دنیا اچ آپݨے مطلوبہ خانداناں کوں تشکیل ݙے سڳن” اے، پاکستان دے آبادیاتی منظرنامے کیتے ہک اہم سنیھا رکھیندے۔ وزیراعظم آکھیا جو 242 ملین دی آبادی جئیں اچوں تقریباً 65 فیصد دی عمراں 30 سال توں گھٹ ہن، دے نال پاکستان آپݨی تاریخ دے ہک نازک موڑ تے کھڑے۔ نوجواناں دی اِے وݙی تعداد ہک غیر معمولی موقع اَتے ہک اہم چیلنج دی نمائندگی کریندی اے اگر نویں نسل دی چنڳی پرورش تے توجہ مرکوز کیتی ونڄے اَتے انہاں کوں بااختیار بݨایا ونڄے تاں اساݙی نوجوان آبادی جدت، پیداواری صلاحیت اَتے قومی ترقی کیتے ہک متحرک قوت بݨ سڳدی ہے تاھم ایجھی وݙی اَتے ودھدی ہوئی آبادی دا انتظام عوامی وسائل اَتے حکمرانی دے نظام تے وی زبردست دباؤ اے۔وزیراعظم سارے اسٹیک ہولڈرز، وفاقی اَتے صوبائی حکومتاں، ترقیاتی شراکت داراں، سول سوسائٹی، پرائیویٹ سیکٹر، مذہبی رہنماواں اَتے مقامی کمیونٹیز تے زور ݙتا جو او انہاں چیلنجز نال نٻڑݨ کیتے آپݨی مشترکہ ذمہ داری دا اعادہ کرن تاں جو آبادی دے چیلنجاں نال نبڑݨ دے عزم کوں یقینی بݨایا ونڄ سڳے اَتے پاکستان دا مستقبل صحت مند، خوشحال بݨ سڳے۔