پاکستان دی مدینہ منورہ اچ پاور ڈسٹریبیوشن سٹیشن تے حوثی ملیشیا دے حملے دی مذمت

اسلام آباد۔2 اکتوبر (اے پی پی) پاکستان مدینہ منورہ اچ طیبہ پاور ڈسٹریبیوشن سٹیشن تے حوثی ملیشیا دی طرفوں حملے دی شدید مذمت کریندے سعودی عرب نال غیر متزلزل یکجہتی دا اعادہ کیتے۔ ہک بیان اچ ترجمان دفترِ خارجہ آکھیا جو مدینہ منورہ اچ مسجدِ نبوی کوں بجلی ݙیوݨ آلے انفراسٹرکچر تے قابلِ مذمت حملہ سنگین اشتعال انگیزی اے تے دنیا دے لکھاں مسلماناں کیتے گہری تشویش تے اضطراب دا باعث اے، حرمین شریفین دے تقدس تے نمازیاں و زائرین دی سلامتی دا ہر حال اچ احترام کیتا ونڄݨاں چاہیدے۔انہاں آکھیا جو اساں ایہوجیھے اقدامات دے فوری تے غیر مشروط خاتمے دا مطالبہ کریندن جو علاقائی امن و سلامتی کیتے وی سنگین خطرہ ہن۔ ترجمان آکھیا جو پاکستان بھرا مملکت سعودی عرب نال اپݨی غیر متزلزل یکجہتی دا اعادہ تے سعودی عرب دی خودمختاری، علاقائی سالمیت تے سلامتی کیتے مکمل حمایت دا اظہار کریندے، اساں حرمین شریفین دے تحفظ، اپݨے عوام دی حفاظت تے زائرین دی سلامتی کوں یقینی بݨاوݨ دی سعودی عرب دی کوششاں اچ ایندے رلے تکڑے تھی تے کھڑوں۔ترجمان آکھیا جو پاکستان خطے اچ پائیدار امن تے استحکام دے کیتے ماضی اچ وی بھرپور کوششاں کریندا ریہے تے اڳوں وی اے کوششاں جاری رکھیسی