نائب وزیراعظم محمد اسحاق ݙار دی 32 ویں آسیان ریجنل فورم دے موقع تے کمبوڈیا دے وزیر خارجہ نال ملاقات

اسلام آباد۔ 11 جولائی(اے پی پی)نائب وزیراعظم اَتے وزیر خارجہ سینیٹر محمد اسحاق ݙار کوالالمپور اچ 32 ویں آسیان ریجنل فورم (اے آر ایف) دے موقع تے کمبوڈیا دے وزیر خارجہ اَتے بین الاقوامی تعاون دے وزیر پراک سوکھون نال ملین۔ ݙوہیں رہنماواں ݙو طرفہ تعلقات خاص طور تے تجارت اَتے سرمایہ کاری، ساریاں سطحیاں تے ڳالھ مہاڑ دے نال نال ثقافتی اَتے عوام وچال رابطے ودھاوݨ تے اتفاق کیتا۔ نائب وزیراعظم آکھیا جو پاکستان کمبوڈین وزیراعظم دے دورہ پاکستان دا تانڳھی اے، دورے دیاں تاریخاں دا تعین سفارتی ذرائع نال کیتا ویسی۔