لاہور۔ 11 جولائی(اے پی پی)اسپیکر پنجاب اسمبلی ملک محمد احمد خان دی سربراہی اچ پاکستان تحریک انصاف دے 26 معطل ارکان اسمبلی بارے نااہلی ریفرنس دے معاملے تے ہک اہم مشاورتی اجلاس اسپیکر چیمبر پنجاب اسمبلی اچ تھیا۔ اجلاس اچ اپوزیشن دے معطل ارکان، حکومتی نمائندے اَتے ݙوجھے پارلیمانی قائدین شرکت کیتی۔ اسپیکر پنجاب اسمبلی معطل ارکان کوں شنوائی دا موقع ݙتا جݙاں جو اجلاس اچ حکومتی ارکان ولوں ݙتیاں …
اسپیکر پنجاب اسمبلی دی سربراہی اچ 26 معطل ارکان اسمبلی دے نااہلی ریفرنس معاملے تے مشاورتی اجلاس، حکومت و اپوزیشن دا مذاکرات جاری رکھݨ، سینئر ارکان دی مشترکہ کمیٹی بݨاوݨ تے اتفاق
مزید خبراں
لاہور۔ 11 جولائی(اے پی پی)اسپیکر پنجاب اسمبلی ملک محمد احمد خان دی سربراہی اچ پاکستان تحریک انصاف دے 26 معطل ارکان اسمبلی بارے نااہلی ریفرنس دے معاملے تے ہک اہم مشاورتی اجلاس اسپیکر چیمبر پنجاب اسمبلی اچ تھیا۔ اجلاس اچ اپوزیشن دے معطل ارکان، حکومتی نمائندے اَتے ݙوجھے پارلیمانی قائدین شرکت کیتی۔ اسپیکر پنجاب اسمبلی معطل ارکان کوں شنوائی دا موقع ݙتا جݙاں جو اجلاس اچ حکومتی ارکان ولوں ݙتیاں ڳیاں درخواستاں تے وی باقاعدہ سماعت تھئی۔ ایں دوران حکومت اَتے اپوزیشن ولوں باہمی مذاکرات دے آغاز دی تجویز ݙتی ڳئی۔ مشاورت دے عمل کوں مؤثر بݨاوݨ کیتے حکومت و اپوزیشن دی رضامندی نال سینئر ارکان اسمبلی تے مشتمل ہک مشترکہ کمیٹی تشکیل ݙیوݨ تے اتفاق کیتا ڳیا تاں جو مسئلے دا آئینی، قانونی اَتے پارلیمانی طریقے نال حل کڈھیا ونڄ سڳے۔ ایں موقع تے اسپیکر پنجاب اسمبلی ملک محمد احمد خان آکھیا جو مذاکرات اَتے مشاورت پارلیمانی جمہوریت دی روح ہین، مثبت، باوقار اَتے آئینی طرز عمل نال ہر اختلاف دا حل ڳولیا ونڄ سڳدے۔ اجلاس اچ اے وی فیصلہ کیتا ڳیا جو پارلیمانی لیڈرز دی اڳلی میٹنگ آݙے کوں پنجاب اسمبلی اچ تھیسی، جیںدی صدارت اسپیکر آپ کریسن۔
