منامہ۔ 12 جولائی (اے پی پی) وفاقی وزیر داخلہ محسن نقوی ہک ݙینھ دے دورے تے بحرین دے دارالحکومت منامہ پڄ ڳئے۔ ایئرپورٹ تے بحرینی ہم منصب جنرل شیخ راشد بن عبداللہ الخلفیہ انہاں دا شاندار استقبال کیتا۔وزارت داخلہ توں جاری بیان موجب بحرینی وزارت داخلہ ہیڈ کوارٹر منامہ فورٹ آوݨ تے وزیر داخلہ محسن نقوی کوں گارڈ آف آنرز پیش کیتا ڳیا۔ وزیر داخلہ محسن نقوی دی آپݨے بحرینی …
وفاقی وزیر داخلہ محسن نقوی ہک ݙینھ دے دورے تے منامہ پڄ ڳئے، بحرینی ہم منصب نال ملاقات، سکیورٹی تعاون ودھاوݨ سودھے اہم معاملیاں تے ڳالھ مہاڑ
مزید خبراں
منامہ۔ 12 جولائی (اے پی پی) وفاقی وزیر داخلہ محسن نقوی ہک ݙینھ دے دورے تے بحرین دے دارالحکومت منامہ پڄ ڳئے۔ ایئرپورٹ تے بحرینی ہم منصب جنرل شیخ راشد بن عبداللہ الخلفیہ انہاں دا شاندار استقبال کیتا۔وزارت داخلہ توں جاری بیان موجب بحرینی وزارت داخلہ ہیڈ کوارٹر منامہ فورٹ آوݨ تے وزیر داخلہ محسن نقوی کوں گارڈ آف آنرز پیش کیتا ڳیا۔ وزیر داخلہ محسن نقوی دی آپݨے بحرینی ہم منصب نال اہم ملاقات تھئی جئیں اچ آپسی دلچسپی دے معاملیاں اَتے سکیورٹی تعاون بارے ڳالھ تھئی اتے سکیورٹی تعاون ودھاوݨ دی لوڑھ تے زور ݙتا ڳیا۔ ݙوہیں رہنماواں وچال انسداد دہشت گردی، انسداد انسانی سمگلنگ اَتے انسداد منشیات بارے ݙو پاسہ اشتراک کار تے گالھ مہاڑ تھئی۔ملاقات اچ سکیورٹی تعاون ودھاوݨ، علاقائی تے عالمی چیلنجز نال نبڑݨ اَتے بحرین پاکستان مشترکہ سکیورٹی کمیٹی دے کم کوں ٻیا مؤثر بݨاوݨ بارے ڳالھ مہاڑ تھئی۔ بحرین دے وزیر داخلہ پاکستان اَتے بحرین وچال سکیورٹی سمیت ݙوجھے شعبیاں اچ تعاون اَتے ہم آہنگی کوں سراہیا اَتے آکھیا جو تہاݙا دورہ ݙوہیں ملکاں وچال مضبوط تعلقات تے مبنی سکیورٹی رابطیاں کوں مستحکم کرݨ دا موقع اے، اساں پاکستان تے بحرین وچال سکیورٹی تعاون تے کوآرڈینیشن کوں قدر دی نگاہ نال ݙیکھدوں۔وزیر داخلہ محسن نقوی آکھیا جو بحرین اَتے پاکستان دی وزارت داخلہ وچال انسداد منشیات تے انسداد انسانی سمگلنگ کیتے تعاون ودھاوݨ ویلھے دی لوڑھ اے۔ محسن نقوی بحرینی ہم منصب کوں پاکستان دے دورے دی دعوت ݙتی اَتے بحرینی وزارت داخلہ اچ رکھی کتاب اچ آپݨے تاثرات وی درج کیتے۔ بحرین دے نائب وزیر داخلہ میجر جنرل عادل بن خلفیہ بن حماد، چیف آف پبلک سکیورٹی، سینئر عسکری افسران، بحرین اچ پاکستان دے سفیر ثاقب رؤف، ݙپٹی ہیڈ آف مشن اَتے اعلیٰ سفارتی حکام وی ایں موقع تے موجود ہن۔
