وفاقی وزیر داخلہ محسن نقوی دا 13 جولائی 1931 کوں آپݨے خون دا نذرانہ پیش کرݨ آلے بہادر کشمیراں کوں خراج عقیدت

اسلام آباد۔ 13 جولائی (اے پی پی) وفاقی وزیر داخلہ محسن نقوی 13 جولائی 1931 کوں آپݨے خون دا نذرانہ پیش کرݨ آلے بہادر کشمیراں کوں خراج عقیدت پیش کریندیں ہوئیں آکھیا جو ڈوگرا راج دی بندوقاں اَتے بھارتی ریاست دا تشدد ݙوہیں ہک ہی ظلم دی مختلف شکلاں ہن، یوم شہداء کشمیر تجدید عہد دا ݙینھ اے، پاکستان کشمیراں دے حق آزادی دا محافظ وی اے، علمبردار وی، ضامن وی اے۔وزارت داخلہ دی ولوں جاری یوم شہداء کشمیر تے آپݨے سنیھے اچ وزیر داخلہ محسن نقوی آکھیا جو 13 جولائی 1931 کوں آپݨے خون دا نذرانہ پیش کرݨ آلے بہادر کشمیراں کوں خراج عقیدت پیش کریندن۔ انہاں اذان دے احترام اچ سینہ تان تے گولیاں دا سامݨا کرݨ آلے 22 کشمیری شہداء دی قربانی کوں سلام پیش کیتا اَتے آکھیا جو 13 جولائی 1931 مظلوم دی زبان بند کرݨ آلے نظام دے خلاف حریت ضمیر دی پہلی گھنٹی ہئی۔محسن نقوی آکھیا جو ڈوگرا راج دی بندوقاں اَتے بھارتی ریاست دا تشدد ݙوہیں ہک ای ظلم دی مختلف شکلاں ہن، مقبوضہ کشمیر اچ عقائد، شناخت، رائے اَتے مزاحمت کوں ریاستی طاقت نال کچلݨ انسانی وقار دی تضحیک اے۔ محسن نقوی آکھیا جو مودی سرکار وی ڈوگرا راج وانگوں کشمیراں دے خلاف ظالمانہ اقدامات کریندی پئی اے، بھارتی ریاستی پالیسی کشمیری نوجواناں دی نسل کشی، ماورائے عدالت قتل اَتے صحافیاں دی خاموشی نال انسانیت کوں شرمسار کریندی پئی اے۔وزیر داخلہ محسن نقوی آکھیا جو صدر ٹرمپ دی ثالثی دی تجویز امن دا دروازہ کھولیا، بھارت انکار کر تے اِے دروازہ خود بند کیتا، انہاں آکھیا جو امن توں انکار، بھارت دی جنگی ذہنیت دا ثبوت اے۔ محسن نقوی آکھیا جو شہداء دے لہو توں اُٹھݨ آلی آزادی دی پکار کوں بندوق، قید یا کرفیو نال دبایا نئیں ونڄ سڳدا اے پکار نسلاں تئیں زندہ رہسی۔ یوم شہداء کشمیر تجدید عہد دا ݙینھ اے، پاکستان کشمیراں دے حق آزادی دا محافظ اے ۔