وفاقی وزیرجام کمال خان برطانیہ اچ اپݨے ہم منصب نال تجارتی تعلقات دے طریقہ کار تے دستخط کریسن

اسلام آباد۔ 14 جولائی (اے پی پی) وفاقی وزیر تجارت جام کمال خان برطانیہ اچ اپݨے ہم منصب نال تجارتی تعلقات دے طریقہ کار تے دستخط کریسن۔جاری پریس ریلیز موجب بریگزٹ دے بعد اِے معاہدہ پاکستان اَتے برطانیہ  وچال پہلا منظم طریقہ کار ہوسی۔ اِے معاہدہ تجارتی ریگولیٹری فریم ورک کوں سوکھا کرݨ، ݙوہیں ملکاں دیاں کاروباری برادریاں کوں بااختیار بݨاوݨ اَتے تجارت دے ودھارے کیتے حکومتی سطح دے تبادلے کیتے ہک قابل عمل طریقہ کار ݙیسی۔معاہدے تے جام کمال خان اَتے برطانیہ دے وزیر مملکت تجارتی پالیسی ڈگلس الیگزینڈر دستخط کریسن۔