محکمہ موسمیات دی 15 توں 17 جولائی تئیں تکھی ہوا تے کھمݨ گاجاں نال زور دا مینھ وسݨ دی پیشگوئی

اسلام آباد۔ 14 جولائی (اے پی پی) محکمہ موسمیات 15 توں 17 جولائی تئیں تکھی ہوا اَتے کھمݨ گاجاں نال زور دا مینھ وسݨ دی پیشگوئی کیتی اے۔ محکمہ موسمیات موجب ہوا دا گھٹ دٻاؤ ایں ویلھے مدھیا پردیش (انڈیا) دے شمال مغرب تے موجود اے اَتے اڳلے 24 توں 72 گھنٹے تئیں پاکستان تے اثر انداز تھیسی۔ ایں موسمی نظام دے زیر اثر ساوݨ دیاں ہوائیں شدت نال ملک دے اُتلے تے وچلے علاقیں اچ داخل تھیسن ۔ مغربی لہر وی ملک دے اتلے علاقیں اچ موجود اے جئیں پاروں۔ کشمیر  اچ 14(رات) توں 17 جولائی تئیں کشمیر (وادی نیلم، مظفرآباد، راولاکوٹ، پونچھ، ہٹیاں، باغ، حویلی، سدھانوتی، کوٹلی، بھمبر، میرپور) اچ تکھی ہوا تے کھمݨ گاجاں نال وقفےوقفے توں مینھ جݙاں جو کہیں جاہ تے زور دا مینھ وسݨ دا امکان اے جݙاں جو 14 (رات) توں 17 جولائی تئیں گلگت بلتستان (دیامیر، استور، غذر، سکردو، ہنزہ، گلگت، گھانچے، شگر) اچ تکھی ہوا تے کھمݨ گاجاں نال وقفے وقفے نال مینھ جݙاں جو کجھ جہیں تے زور دا مینھ  وسݨ دا امکان اے ۔ خیبر پختونخوا اچ 14 (رات) توں 17 جولائی تئیں دیر، چترال، سوات، کوہستان، مالاکنڈ، شانگلہ، بٹگرام، بونیر، کوہاٹ،کرک، بنوں، ٹانک، لکی مروت، ڈیرہ اسماعیل خان، باجوڑ، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، چارسدہ،نوشہرہ،مردان،صوابی، ہنگو اتے کرم اچ تکھی ہوا تے کھمݨ گاجاں نال وقفےوقفے نال مینھ جݙاں جو کہیں کہیں جاہ تے زور دا مینھ وسݨ دا امکان اے۔ پنجاب/اسلام آباد اچ 14(شام) توں 17 جولائی تئیں اسلام آباد/راولپنڈی، مری، گلیات، اٹک، چکوال، جہلم، منڈی بہائوالدین، گجرات، گوجرانوالہ، حافظ آباد، وزیر آباد، لاہور،شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ،ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر، میانوالی، بہاولپور، بہاولنگر، ڈی جی خان، ملتان، خانیوال، لودھراں، مظفر گڑھ، راجن پور، رحیم یارخان،خان پور، کوٹ ادو اتے لیہ اچ تکھی ہوا گے کھمݨ گاجاں نال وقفےوقفے نال مینھ جݙاں جو کجھ جہیں تے زور دا مینھ وسݨ دا امکان اے ۔بلوچستان اچ 14 توں 16 جولائی تئیں شمال مشرقی/جنوبی حصیں (کوئٹہ، ژوب،قلعہ سیف اللہ ، قلعہ عبداللہ، زیارت، شیرانی، موسیٰ خیل، لورالائی، سبی، بولان، بارکھان، نصیر آباد، قلات، لسبیلہ، خضدار، آواران، جعفرآباد، ڈیرہ بگٹی اتے کوہلو) اچ تکھی ہوا کھمݨ گاجاں نال وقفےوقفے نال مینھ جݙاں جو کہیں کہیں جاہ تے زور دا مینھ وسݨ دا امکان اے ۔ سندھ اچ 14 توں 16 جولائی تئیں تھرپارکر، میرپور خاص، سانگھڑ، سکھر، لاڑکانہ، دادو،جیکب آباد، خیرپور تے شہید بینظیر آباد اچ وقفے وقفے نال تکھی ہوا تے کھمݨ گاجاں نال مینھ وسݨ دا امکان اے۔ایں دوران کراچی اچ ہلکا مینھ وسݨ دی توقع اے۔ محکمہ موسمیات ممکنہ اثرات اتے احتیاطی ورتݨ دی ہدایت کیتی اے جئیں موجب 14 (شام/رات)توں 17 جولائی تئیں زور دے مینھ وسݨ پاروں چترال، دیر، سوات، شانگلہ، مانسہرہ، کوہستان،ایبٹ آباد، بونیر،چارسدہ، صوابی، مردان، مری، گلیات، نوشہرہ، اسلام آباد/راولپنڈی، ڈی جی خان، شمال مشرقی پنجاب ،کشمیر اتے بلوچستان دے مقامی /برساتی ندی نالیں اچ طغیانی دا خطرہ اے ۔عوام کوں احتیاط دی ہدایت کیتی ڳئی اے ۔14(شام/رات) توں 17 جولائی تئیں زور دے مینھ پاروں اسلام آباد/راولپنڈی، گوجرانوالہ، لاہور، سیالکوٹ، سرگودھا، فیصل آباد، خانیوال، ملتان، ساہیوال،اوکاڑہ، بہاولپور، بہاولنگر، وہاڑی، نوشہرہ اتے پشاور دے جھکے  علاقیں اچ پاݨی آوݨ دا ݙر اے ۔14 توں 17 جولائی تئیں زور دے مینھ پاروں خیبرپختونخوا،مری، گلیات، کشمیر اتے گلگت بلتستان اچ لینڈ سلائیڈنگ پاروں ٹریفک دی آونڄ متاثر تھیوݨ دا خطرہ اے اندھاری گُھلݨ تے کھمݨ گاجاں پاروں روزانہ دے معمولات متاثر تھیوݨ، کمزور انفرا سٹرکچر ( بجلی دے کھمبے،گاݙیاں سولر پینل وغیرہ) دا ضیان تھیوݨ دا ݙر اے زور دا مینھ وسݨ پاروں پنجاب، خیبر پختونخوا اتے کشمیر اچ کھڑیاں  فصلاں کوں ضیان تھیوݨ دا ݙراے ۔مسافر اتے سیاح حضرات سفر دے دوران زیادہ احتیاط ورتن تے موسمی حالات موجب اپݨے سفر دا انتظام کرن تے مینھ پاروں کہیں وی ناخوشگوار صورتحال توں بچݨ سانڳے موسم بارے آگاہی گھنن ۔ سارے متعلقہ اداریں کوں “الرٹ” رہݨ تے کہیں ناخوشگوار واقعے توں بچݨ سانڳے سارے ضروری اقدامات دی ہدایت کیتی ڳئی اے۔