اسلام آباد۔ 14 جولائی (اے پی پی) وفاقی وزیر تجارت جام کمال خان لندن اچ برطانیہ دے وزیر ہاؤسنگ، کمیونیکیشن اَتے لوکل گورنمنٹ لارڈ واجد خان نال ملاقات کیتی۔وزارت تجارت توں جاری پریس ریلیز موجب ملاقات اچ اقتصادی اَتے سماجی رابطے کوں تکڑا بݨاوݨ کیتے ہک پُل دے طور تے برطانیہ اچ تقریباً 1.7 ملین لوکاں تے مشتمل مضبوط پاکستانی نژاد تارکین وطن توں فیدہ چاوݨ تے ڳالھ مہاڑ کیتی …
وفاقی وزیرتجارت جام کمال خان دی لندن اچ برطانیہ دے وزیر ہاؤسنگ، کمیونیکیشن اَتے لوکل گورنمنٹ نال ملاقات
مزید خبراں
اسلام آباد۔ 14 جولائی (اے پی پی) وفاقی وزیر تجارت جام کمال خان لندن اچ برطانیہ دے وزیر ہاؤسنگ، کمیونیکیشن اَتے لوکل گورنمنٹ لارڈ واجد خان نال ملاقات کیتی۔وزارت تجارت توں جاری پریس ریلیز موجب ملاقات اچ اقتصادی اَتے سماجی رابطے کوں تکڑا بݨاوݨ کیتے ہک پُل دے طور تے برطانیہ اچ تقریباً 1.7 ملین لوکاں تے مشتمل مضبوط پاکستانی نژاد تارکین وطن توں فیدہ چاوݨ تے ڳالھ مہاڑ کیتی ڳئی۔ وزیر تجارت لارڈ واجد کوں پاکستان۔برطانیہ بزنس ایڈوائزری کونسل دے قیام دا ݙسائے۔ ڳالھ مہاڑ اچ شہری ترقی، سستی رہائش اَتے سمارٹ شہراں اچ تکنیکی تعاون دے نویں موقعیں تے ڳالھ مہاڑ کیتی ڳئی۔ فریقین ایں ڳالھ تے اتفاق کیتا جو پاکستانی شہری اداریں کوں برطانیہ دیاں کونسلاں نال جوڑݨ نال علم دے اشتراک اَتے پائلٹ پروگراماں دا رستہ ہموار تھی سڳدے جیں نال ݙونہاں ملکاں کوں فیدہ تھیسی۔ وزیر تجارت جامع ترقی اَتے علاقائی رابطے کیتے میونسپل سطح دی شراکت داری تے ڳالھ مہاڑ کیتی۔ انہاں اہم شعبیں اچ ݙو طرفہ تعاون دے اُبھرݨ آلے موقعیں کوں ݙیکھݨ کیتے لارڈ واجد کوں پاکستان آوݨ دی دعوت وی ݙتی۔
