الیکشن کمیشن این اے 175 ݙیرہ غازی خان توں آزاد رکن جمشید احمد دستی کوں جعلی ڈگری تے نااہل قرار ݙے ݙتا

اسلام آباد ۔15 جولائی (اے پی پی) الیکشن کمیشن این اے 175 ݙیرہ غازی خان توں آزاد رکن جمشید احمد دستی کوں جعلی ڈگری تے نااہل قرار ݙے ݙتا۔ الیکشن کمیشن توں جاری فیصلے دے مطابق 27 صفحیاں تے مشتمل ایں فیصلے اچ آکھیا ڳئے جو کراچی تعلیمی بورڈ دی رپورٹ دے مطابق جمشید احمد ولد سلطان محمود دے ناں نال ریکارڈ اچ کوئی تفصیل موجود کائنی۔ ایںدے نال نال مظفر گڑھ، موضع جیسن وائن اچ 194 کنال 19 مرلہ دی جائیداد جیڑھی 2021ء وچ چار کروڑ 75 لکھ روپے اچ ڳھدی ڳئی، دا ذکر کاغذات نامزدگی اچ نی کیتا ڳیا۔ انہاں شواہد تے جمشید احمد دستی کوں آئین دے آرٹیکل 62 ون دی ذیلی شق ڈی اتے ایف اتے آرٹیکل 63 ون دی ذیلی شق پی اتے انتخابی قانون 2017ء دے تحت نااہل قرار ݙیندے ہوئیں اے سیٹ خالی قرار ݙتی ڳئی اے۔