اسلام آباد۔1 اکتوبر(اے پی پی)ترجمان دفترِ خارجہ آکھیے جو ایران امریکہ ثالثی اچ پاکستان کردار ادا کریندا پئے، پاکستان دا امریکی لیڈر شپ نال ایں ہفتے آخری رابطہ تھی چکیے۔ افغانستان تے ایئر سٹرائیکس دے بعد ݙوہائیں ملکاں دے سفارتی رابطے بارے ترجمان دفترِ خارجہ آکھیا جو ݙوہائیں ملک مختلف سطح تے رابطے اچ ہین، ݙوہائیں ملکاں دے رابطے برقرار ہن۔ ترجمان آکھیا جو ایران اتے امریکہ پابندیاں بارے انہاں …
ایران امریکہ ثالثی اچ پاکستان کردار ادا کریندا پئے: ترجمان دفترِ خارجہ
مزید خبراں
اسلام آباد۔1 اکتوبر(اے پی پی)ترجمان دفترِ خارجہ آکھیے جو ایران امریکہ ثالثی اچ پاکستان کردار ادا کریندا پئے، پاکستان دا امریکی لیڈر شپ نال ایں ہفتے آخری رابطہ تھی چکیے۔ افغانستان تے ایئر سٹرائیکس دے بعد ݙوہائیں ملکاں دے سفارتی رابطے بارے ترجمان دفترِ خارجہ آکھیا جو ݙوہائیں ملک مختلف سطح تے رابطے اچ ہین، ݙوہائیں ملکاں دے رابطے برقرار ہن۔ ترجمان آکھیا جو ایران اتے امریکہ پابندیاں بارے انہاں نال منسوب ریمارکس سیاق و سباق توں ہٹ تے پیش کیتے ڳئن، انہاں پراݨے ریمارکس دی وضاحت ضروری اے۔ دفترِ خارجہ دے ترجمان دے مطابق پاکستان عالمی برادری دا ذمہ دار رکن اے، پاکستان بین الاقوامی اتے ملکی قوانین دے مطابق سارے قابلِ اطلاق پابندیاں دے نظام دی پاسداری کریندے اتے کریندا راہسی۔ انہاں آکھیا جو پاکستان کثیر الجہتی نظام اتے بین الاقوامی قانون تے مبنی عالمی نظام نال جڑت دا عزم دوہریندے ہوئے متعلقہ اسٹیک ہولڈرز نال مسلسل اتے تعمیری رابطے اچ اے۔ ترجمان دفترِ خارجہ دا آکھݨ اے جو پاکستان امریکہ نال دیرینہ اتے کثیر الجہتی سٹریٹجک شراکت داری کوں وݙی اہمیت ݙیندے، واشنگٹن نال وݙی مُد توں قائم سفارتی، اقتصادی اتے سکیورٹی تعلقات ٻئے مضبوط بݨاوݨ کیتے پرعزم ہیں۔
