تیانجن۔ 16 جولائی (اے پی پی) نائب وزیراعظم تے وزیر خارجہ سینیٹر محمد اسحاق ڈار بُدھ کوں تیانجن اچ تھیوݨ آلے شنگھائی تعاون تنظیم (ایس سی او) دے وزرائے خارجہ دے اجلاس دے موقع تے چینی وزیر خارجہ وانگ یی نال ملاقات کیتی۔ ترجمان دفتر خارجہ توں جاری بیان موجب وزیر خارجہ اسحاق ڈار ایس سی او دی وزرائے خارجہ کونسل دے کامیاب انعقاد تے وانگ یی کوں مبارکباد پیش …
نائب وزیراعظم تے وزیر خارجہ سینیٹر محمد اسحاق ڈار دی چینی وزیر خارجہ نال ملاقات، علاقائی امن تے ترقی سانڳے تعاون کوں مضبوط بݨاوݨ دا عزم
مزید خبراں
تیانجن۔ 16 جولائی (اے پی پی) نائب وزیراعظم تے وزیر خارجہ سینیٹر محمد اسحاق ڈار بُدھ کوں تیانجن اچ تھیوݨ آلے شنگھائی تعاون تنظیم (ایس سی او) دے وزرائے خارجہ دے اجلاس دے موقع تے چینی وزیر خارجہ وانگ یی نال ملاقات کیتی۔ ترجمان دفتر خارجہ توں جاری بیان موجب وزیر خارجہ اسحاق ڈار ایس سی او دی وزرائے خارجہ کونسل دے کامیاب انعقاد تے وانگ یی کوں مبارکباد پیش کیتی اتے چینی قیادت ولوں پرتپاک استقبال تے شکریہ ادا کیتا۔ ݙوہیں رہنماواں آپسی دلچسپی دے کلیدی شعبیاں، بشمول چین-پاکستان اقتصادی راہداری (سی پیک) اتے کثیرالجہتی تعاون تے جامع ڳالھ کیتی۔ تزویراتی تعاون دی سانجھے داری دے تحت مضبوط آپسی تعلقات تے زور ݙیندیں ہوئیں، انہاں مختلف شعبیاں اچ جاری قریبی پاک-چین تعاون تے اطمینان دا اظہار کیتا۔ ݙوہیں فریقاں علاقائی امن، استحکام اتے ترقی کوں فروغ ݙیوݨ سانگے ݙو پاسہ تعاون کوں ٻیا مضبوط بݨاوݨ دا عزم کیتا۔
