اسلام آباد (اے پی پی) سینیٹ کوں ݙسیا ڳیا جو میڈیکل کالجاں دی سالانہ فیس 18 لکھ روپے مقرر کیتی ڳئی اے، ایں توں ودھ فیس گھنݨ آلے میڈیکل کالجز ودھ رقم واپس کریسن یا ولا آوݨ آلے سال اچ ایڈجسٹ کرݨ دے پابند ہوسن۔ جمہ کوں سینیٹ اچ وقفہ سوالات اچ سینیٹر عبدالشکور دے سوال دے جواب اچ وفاقی وزیر نیشنل ہیلتھ سروسز مصطفیٰ کمال آکھیا جو اے ہک …
میڈیکل کالجاں دی سالانہ فیس 18 لکھ روپے مقرر، ودھ فیس گھنݨ آلے واپس کریسن یا ایڈجسٹ کریسن: وفاقی وزیر قومی صحت دا سینیٹ اچ جواب
مزید خبراں
اسلام آباد (اے پی پی) سینیٹ کوں ݙسیا ڳیا جو میڈیکل کالجاں دی سالانہ فیس 18 لکھ روپے مقرر کیتی ڳئی اے، ایں توں ودھ فیس گھنݨ آلے میڈیکل کالجز ودھ رقم واپس کریسن یا ولا آوݨ آلے سال اچ ایڈجسٹ کرݨ دے پابند ہوسن۔ جمہ کوں سینیٹ اچ وقفہ سوالات اچ سینیٹر عبدالشکور دے سوال دے جواب اچ وفاقی وزیر نیشنل ہیلتھ سروسز مصطفیٰ کمال آکھیا جو اے ہک ٻہوں اہم معاملہ اے جئیں تے وزیراعظم نائب وزیراعظم اسحاق ڈار دی سربراہی اچ ہک کمیٹی ٻݨائی ہائی، کئی مہینیاں دی کوششاں اتے سارے متعلقہ فریقین دی آراء گھنݨ دے بعد طے تھیا جو میڈیکل کالجز دے طلباء دی فیس 18 لکھ روپے مقرر کیتی ویسی جڈانجو اگر کہیں میڈیکل کالج دی انتظامیہ دا موقف ہووے جو انہاں دا معیار ݙوجھے میڈیکل کالجز توں بہتر اے تاں انہاں کوں ایں دا جواز پیش کرݨا ہوسی، ایں دے بعد سالانہ فیس کوں 25 لکھ روپے تئیں ودھایا ونج سڳسی پر اے فیصلہ وی کمیٹی ای کریسی۔ انہاں آکھیا جو اے طے تھیا ہا جو میڈیکل کالجز یا فیس دی رقم ریفنڈ کریسن یا ولا آوݨ آلے سال اچ ایڈجسٹ کر ڳھنسن۔
