شالیمار ریکارڈنگ کمپنی دے ملازماں دے روزگار دے تحفظ کیتے ضروری اے جو کمپنی بحال تھیوے، وفاقی وزیر اطلاعات تے نشریات عطا اللہ تارڑ

اسلام آباد۔18جولائی  (اے پی پی) وفاقی وزیر اطلاعات تے نشریات عطا اللہ تارڑ آکھیا جو شالیمار ریکارڈنگ کمپنی دی بحالی کیتے بزنس پلان عدالت اچ جمع کروایا ویسی، کمپنی دے 300 توں ودھ ملازماں دے روزگار دے تحفظ کیتے ضروری اے جو کمپنی بحال تھیوے، ماضی دی ہک حکومت غیر ذمہ دارانہ بیان ݙے تے پی آئی اے کوں ارباں دا نقصان پُجایا، خیبر پختونخوا حکومت اچ کرپشن اتے نااہلی انتہا تے اے۔ جمہ کوں اسلام آباد ہائی کورٹ دے باہر میڈیا نال گالھ مہاڑ کریندیں ہوئیں وفاقی وزیر اطلاعات آکھیا جو ایس آر بی سی کمپنی دی بحالی کیتے عدالت توں استدعا کرݨ آئے ہاسے، عدالت اچ آپݨا موقف پیش کیتے۔ انہاں آکھیا جو کمپنی دے 300 توں ودھ ملازم ہن، انہاں دے روزگار دے تحفظ کیتے ضروری اے جو کمپنی بحال تھیوے۔ وفاقی وزیر آکھیا جو عدالت بزنس پلان جمع کرواوݨ کیتے احکامات جاری کیتن، کمپنی دی بحالی کیتے بزنس پلان جمع کروایا ویسی۔ انہاں آکھیا کیونجو ملازماں دی تنخواہیں اکائونٹ اچ آ ڳئن، عدالت لیکویڈیٹر کوں ہدایت کیتی اے جو ایس آر بی سی دے ملازماں کوں تنخواہواں دی ادائیگی کیتی ونجے۔ انہاں آکھیا جو سماعت قانون دے مطابق تھیندی پئی اے۔ ہک سوال دے جواب اچ وفاقی وزیر اطلاعات آکھیا جو ماضی دی ہک حکومت نے غیر ذمہ دارانہ بیان ݙے تے پی آئی اے کوں ارباں دا نقصان پُجایا، اللہ تعالیٰ دا شکر اے جو اساݙے دور اچ پی آئی اے دی پروازاں یورپ اتے برطانیہ کیتے بحال تھئن۔ ہک ٻئے سوال دے جواب اچ انہاں آکھیا جو خیبر پختونخوا اچ نااہلی دی انتہا اے، کرپشن، بد انتظامی انتہا تے اے، دریائے سوات اچ اے سیاحواں کوں بچا نئیں سڳے۔ انہاں آکھیا جو خیبر پختونخوا اچ کرپشن دے انبار لڳے ہوئن۔