اسلام آباد (اے پی پی) وزیر مملکت داخلہ طلال چوہدری گزریل ݙینھ مینھ پاروں مکمل تھیوݨ آلی شاہراہ دے متاثر تھیوݨ بارے سوشل میڈیا تے گردش کرݨ آلی تصویر کوں نقلی قرار ݙیندے منصوبے دی اصل وڈیو شیئر کیتی ہے۔وزیر مملکت ایکس تے پورا ݙینھ ایں منصوبے دا ہک حصہ ٻہہ ونجݨ بارے نقلی گردش کرݨ آلی تصویر وی اصل وڈیو دے نال جاری کیتی اے۔ منصوبے دی اصل وڈیو …
وزیر مملکت داخلہ طلال چوہدری گزریل ݙینھ مینھ پاروں نویں شاہراہ دے متاثر تھیوݨ بارے سوشل میڈیا تے گردش کرݨ آلی تصویر کوں نقلی قرار ݙے ݙتا
اسلام آباد (اے پی پی) وزیر مملکت داخلہ طلال چوہدری گزریل ݙینھ مینھ پاروں مکمل تھیوݨ آلی شاہراہ دے متاثر تھیوݨ بارے سوشل میڈیا تے گردش کرݨ آلی تصویر کوں نقلی قرار ݙیندے منصوبے دی اصل وڈیو شیئر کیتی ہے۔وزیر مملکت ایکس تے پورا ݙینھ ایں منصوبے دا ہک حصہ ٻہہ ونجݨ بارے نقلی گردش کرݨ آلی تصویر وی اصل وڈیو دے نال جاری کیتی اے۔ منصوبے دی اصل وڈیو رات دیر نال فضا توں بݨائی ڳئی جیں اچ واضح طور تے ݙٹھا ونڄ سڳدے جو منصوبے دے چارے پاسوں ٹریفک چلدی پئی اے تے منصوبے دا کوئی حصہ متاثر کائنی جیڑھا جو گمراہ کن تصویر اچ ݙکھایا ڳئے ۔ طلال چوہدری ایکس تے پوسٹ اچ نقلی تصویر اتے حقیقت تے مبنی وڈیو جاری کریندے آکھیا جو سوشل میڈیا تے گردش کرݨ آلی تصویر نقلی اے۔ انہاں آکھیا جو مہربانی کر تے رجب طیب ایردوان انٹر چینج دی رات دی وڈیو ݙیکھ ڳھنو، ایں منصوبے اچ نائنتھ ایونیو اتے جناح ایونیو جنکشن تے ہک انڈر پاس اتے ہک فلائی اوور شامل ہن، وڈیو توں مکمل واضح اے جو اڄوکے مینھ نال کوئی ضیان نی پڄا۔
