اسلام آباد (اے پی پی) وزیراعظم محمد شہباز شریف ضلع جہلم اچ چھل توں متاثرہ علاقے اچ ریسکیو آپریشن اچ لوکاں دیاں جاناں بچیندے ہوئیں شہید تھیوݨ آلے پنجاب پولیس دے اہلکار کانسٹیبل حیدر علی کوں خراج عقیدت پیش کریندے آکھیے جو حیدر علی شہید تے پوری قوم کوں ماݨ اے۔وزیراعظم دفتر دے میڈیا ونگ توں جاری بیان موجب وزیراعظم آکھیا جو حیدر علی آپݨی جان دی پرواہ نہ کریندے …
وزیراعظم دا ریسکیو آپریشن اچ شہید تھیوݨ آلے پنجاب پولیس دے کانسٹیبل حیدر علی کوں خراج عقیدت
اسلام آباد (اے پی پی) وزیراعظم محمد شہباز شریف ضلع جہلم اچ چھل توں متاثرہ علاقے اچ ریسکیو آپریشن اچ لوکاں دیاں جاناں بچیندے ہوئیں شہید تھیوݨ آلے پنجاب پولیس دے اہلکار کانسٹیبل حیدر علی کوں خراج عقیدت پیش کریندے آکھیے جو حیدر علی شہید تے پوری قوم کوں ماݨ اے۔وزیراعظم دفتر دے میڈیا ونگ توں جاری بیان موجب وزیراعظم آکھیا جو حیدر علی آپݨی جان دی پرواہ نہ کریندے کئی لوکاں کوں چھل دے پاݨی توں ریسکیو کیتا، حیدر علی شہید تے پوری قوم کوں ماݨ اے۔ انہاں آکھیا جو حیدر علی شہید دے اہل خانہ دی فلاح و بہبود کیتے ہر ممکن اقدامات چاتے ونڄن۔ وزیراعظم آکھیا جو پاکستان دی پولیس، سکیورٹی فورسز دے جواناں، این ڈی ایم اے اتے پی ڈی ایم ایز دے اہلکاراں اڄوکی چھل دی صورتحال اچ بہترین ریسکیو آپریشنز سر انجام ݙتے۔ وزیراعظم شہید حیدر علی دے اُچے درجات دی دعا کیتی اتے انہاں دے اہل خانہ نال اظہار تعزیت کیتا۔
