اسلام آباد۔ 18 جولائی(اے پی پی)وفاقی وزیر داخلہ محسن نقوی قلات توں کوئٹہ ونڄݨ آلے پولیس قافلے تے دہشت گرد حملے دی سخت مذمت کریندے ایکوں "فتنہ الہندوستان" دی ہک ٻئی سازش قرار ݙتے۔ وزارت داخلہ ولوں جاری بیان اچ محسن نقوی شہداء کوں خراج عقیدت پیش کریندے آکھیا جو قائم مقام ݙی ایس پی انسپکٹر عبدالرزاق اَتے کانسٹیبل رضا محمد جان وار تے وطن دی حرمت اَتے امن دی …
وزیر داخلہ دی قلات اچ پولیس قافلے تے “فتنہ الہندوستان” دے دہشت گرداں دے حملے دی مذمت
اسلام آباد۔ 18 جولائی(اے پی پی)وفاقی وزیر داخلہ محسن نقوی قلات توں کوئٹہ ونڄݨ آلے پولیس قافلے تے دہشت گرد حملے دی سخت مذمت کریندے ایکوں “فتنہ الہندوستان” دی ہک ٻئی سازش قرار ݙتے۔ وزارت داخلہ ولوں جاری بیان اچ محسن نقوی شہداء کوں خراج عقیدت پیش کریندے آکھیا جو قائم مقام ݙی ایس پی انسپکٹر عبدالرزاق اَتے کانسٹیبل رضا محمد جان وار تے وطن دی حرمت اَتے امن دی حفاظت دا عظیم فرض نبھائے۔ انہاں شہداء دے اہل خانہ نال ہمدردی کریندے آکھیا جو پوری قوم انہاں دے غم اچ نال کھڑی اے۔ وزیر داخلہ زخمی اہلکاراں دی تیکھے صحتیابی دی دعا کریندے آکھیا جو اینڄھے بزدلانہ حملیاں نال ریاست دے حوصلے پست نئیں تھی سڳدے۔ انہاں آکھیا جو “فتنہ الہندوستان” دے دہشت گرد بلوچستان سودھا پاکستان دے ݙوجھے حصیاں اچ بیرونی تݙ تے بدامنی کھنݙاوݨ دی کوشش کریندے پئن ٻھل قوم دی تائید اَتے سکیورٹی اداریاں دی جرات نال انہاں دا مکمل خاتمہ یقینی بݨایا ویسی۔
