پاکستان دہشت گردی دیاں ساریاں قسماں دی مذمت کریندے آکھیے جو دہشت گردی دے خلاف زیرو ٹالرنس اَتے بین الاقوامی تعاون ساݙی پالیسی دے بنیادی ستون ہن، ترجمان دفتر خارجہ

اسلام آباد۔ 18 جولائی(اے پی پی)پاکستان دہشت گردی دیاں ساریاں شکلاں اَتے قسماں دی مذمت کریندے، دہشت گردی دے خلاف زیرو ٹالرنس اَتے بین الاقوامی تعاون ساݙی پالیسی دے بنیادی ستون ہن، پاکستان دہشت گردی دے خلاف سب توں متاچر ملک اے اَتے ایں عالمی امن کیتے انسداد دہشت گردی دیاں کوششاں اچ غیر معمولی کردار ادا کیتے جیندے اچ ابے گیٹ حملے دے ماسٹر مائنڈ دہشت گرد شریف اللہ دی گرفتاری شامل اے۔ ترجمان دفتر خارجہ آکھیے جو بین الاقوامی طور تے تسلیم شدہ متنازعہ بھارتی غیر قانونی زیر تسلط جموں و کشمیر دے علاقہ پہلگام اچ پیش آوݨ والے واقعے دیاں تحقیقات ہݨ تئیں غیر حتمی ہین۔ لشکر طیبہ جیڑھی پاکستان اچ کالعدم اَتے غیر فعال تنظیم اے، نال کہیں وی قسم دا تعلق زمینی حقائق دے خلاف اے، پاکستان متعلقہ گروہواں کوں مؤثر انداز اچ مکائے، انہاں دی قیادت کوں گرفتار کر تے عدالت دے کٹہرے اچ کھڑا کیتے انہاں دے کارکناں کوں غیر متشدد سوچ دو ولائے۔ ترجمان آکھیے جو اے معاملہ امریکا دے اندرونی قوانین بارے اے، بھارت بالخصوص بھارتی غیر قانونی زیر تسلط جموں و کشمیر اچ انسانی حقوق دیاں جاری خلاف ورزیاں سودھا اپݨے غیر ذمہ دارانہ اَتے جارحانہ طرز عمل توں بین الاقوامی برادری دی توجہ ہٹاوݨ کیتے پاکستان دے خلاف پروپیگنڈا کیتے استعمال کرݨ دا ریکارڈ رکھیندے۔ پاکستان انسداد دہشت گردی کیتے بے مثال قربانیاں ݙتین اَتے ایںدے خلاف مؤثر اقدامات کریندا پئے، بین الاقوامی برادری توں مطالبہ کریندے ہیں جو او ایں عالمی خطرے نال نٻݨݨ کیتے غیر جانبدار اَتے مساوی پالیسیاں اپناوے۔ ایں سانڳے اجتماعی کوششاں دی لوڑھ اے۔ دہشت گرد تنظیم “مجید بریگیڈ” بی ایل اے دا عکس اے جیکوں باضابطہ فہرست اچ پاتا ونڄݨا چاہیدے۔