اسلام آباد۔ 19 جولائی (اے پی پی) صدر مملکت آصف علی زرداری آکھیے جو یوم الحاق پاکستان کشمیری عوام دی اجتماعی سوچ اَتے پاکستان نال فطری و دائمی رشتے دی روشن علامت اے، کشمیراں دیاں قربانیاں اڄ پوری دنیا اچ آزادی، حریت اَتے قربانی دی مثال بݨ چُکئن، کشمیریاں کوں اقوام متحدہ دی سلامتی کونسل دیاں قرارداداں موجب حق خودارادیت مِلݨ تئیں انہاں دی اخلاقی، سیاسی اَتے سفارتی حمایت …
یوم الحاق پاکستان کشمیری عوام دی اجتماعی سوچ اَتے پاکستان نال فطری و دائمی رشتے دی روشن علامت اے، صدر مملکت آصف علی زرداری
اسلام آباد۔ 19 جولائی (اے پی پی) صدر مملکت آصف علی زرداری آکھیے جو یوم الحاق پاکستان کشمیری عوام دی اجتماعی سوچ اَتے پاکستان نال فطری و دائمی رشتے دی روشن علامت اے، کشمیراں دیاں قربانیاں اڄ پوری دنیا اچ آزادی، حریت اَتے قربانی دی مثال بݨ چُکئن، کشمیریاں کوں اقوام متحدہ دی سلامتی کونسل دیاں قرارداداں موجب حق خودارادیت مِلݨ تئیں انہاں دی اخلاقی، سیاسی اَتے سفارتی حمایت جاری رہسی۔ایوان صدر دے پریس ونگ توں جاری بیان موجب، صدر مملکت آصف علی زرداری یوم الحاق پاکستان تے پیغام وچ آکھیا جو 19 جولائی 1947 کوں کشمیر دے غیرت مند عوام پاکستان دے نال الحاق دی تاریخی قرارداد منظور کیتی، یوم الحاق پاکستان کشمیری عوام دی اجتماعی سوچ اَتے پاکستان نال فطری و دائمی رشتے دی روشن علامت اے۔صدر آصف علی زرداری آکھیا جو کشمیری عوام بھارتی ظلم و جبر دے باوجود حق خودارادیت دی جدوجہد ثابت قدمی نال جاری رکھی ہوئی اے ، کشمیریاں دیاں قربانیاں اڄ دنیا بھر وچ آزادی، حریت اَتے قربانی دی مثال بݨ چُکن ۔ انہاں آکھیا جو کشمیریاں کوں اقوام متحدہ دی سلامتی کونسل دیاں قرارداداں موجب حق خودارادیت مِلݨ تئیں انہاں دی اخلاقی، سیاسی اَتے سفارتی حمایت جاری رہسی، اساکوں مکمل یقین اے جو کشمیری عوام دی جدوجہد فضول نہ ویسی اَتے او ہک ݙینھ بھارتی تسلط توں آزاد تھیسن
