اسلام آباد۔ 19 جولائی (اے پی پی) وفاقی وزیر اطلاعات و نشریات عطاء اللہ تارڑ اَتے وزیر داخلہ محسن نقوی وچال اہم ملاقات تھئی جیں وچ سانجھی دلچسپی دے امور، امن و امان دی مجموعی صورتحال اَتے میڈیا دے مثبت کردار دے حوالے نال تفصیلی ڳالھ مہاڑ تھئی۔ہفتے کوں جاری بیان موجب ، ݙوہیں وزراء ریاستی بیانیے کوں تکڑا بݨاوݨ، عوام وچ اعتماد دی فضا قائم رکھݨ اَتے سوشل …
وفاقی وزیر اطلاعات عطاء اللہ تارڑ اَتے وزیر داخلہ محسن نقوی دی ملاقات
اسلام آباد۔ 19 جولائی (اے پی پی) وفاقی وزیر اطلاعات و نشریات عطاء اللہ تارڑ اَتے وزیر داخلہ محسن نقوی وچال اہم ملاقات تھئی جیں وچ سانجھی دلچسپی دے امور، امن و امان دی مجموعی صورتحال اَتے میڈیا دے مثبت کردار دے حوالے نال تفصیلی ڳالھ مہاڑ تھئی۔ہفتے کوں جاری بیان موجب ، ݙوہیں وزراء ریاستی بیانیے کوں تکڑا بݨاوݨ، عوام وچ اعتماد دی فضا قائم رکھݨ اَتے سوشل میڈیا تے گمراہ کن معلومات دے تدارک کیتے مربوط حکمت عملی اپناوݨ تے اتفاق کیتا۔ وزیر اطلاعات آکھیا جو ملکی سالمیت، قومی اداریں دے وقار اَتے سماجی ہم آہنگی دے خلاف کِہیں وی منفی پروپیگنڈے کوں برداشت نہ کیتا ویسی۔ وزیر داخلہ آکھیا جو امن و امان دے قیام اَتے دہشت گردی دے خلاف اقدامات وچ میڈیا دا تعمیری کردار قابل تحسین اے۔ ملاقات وچ قومی مفاد دے تحت ادارہ جاتی ہم آہنگی کوں مزید ودھارا ݙیوݨ تے وی زور ݙتا ڳئے
