اسلام آباد۔ 19 جولائی (اے پی پی) وفاقی وزیر بحری امور محمد جنید انوار چوہدری 120 ایکڑ تے محیط ایکوا کلچر پارک بݨاوݨ دا اعلان کریندے آکھیے جو ایں تے 3 ارب روپے لاڳت آسی، منصوبہ عوامی و نجی شراکت داری دے تحت بݨایا ویسی۔جاری بیان موجب ، انہاں اے اعلان اپݨی سربراہی وچ ہک اعلیٰ سطح دے اجلاس نال خطاب اچ آکھی جیں وچ گوادر پورٹ، کورنگی فش ہاربر، …
وفاقی وزیر بحری امور محمد جنید انوار چوہدری دی سربراہی وچ اجلاس، 120 ایکڑ تے محیط ایکوا کلچر پارک بݨاوݨ دا اعلان
اسلام آباد۔ 19 جولائی (اے پی پی) وفاقی وزیر بحری امور محمد جنید انوار چوہدری 120 ایکڑ تے محیط ایکوا کلچر پارک بݨاوݨ دا اعلان کریندے آکھیے جو ایں تے 3 ارب روپے لاڳت آسی، منصوبہ عوامی و نجی شراکت داری دے تحت بݨایا ویسی۔جاری بیان موجب ، انہاں اے اعلان اپݨی سربراہی وچ ہک اعلیٰ سطح دے اجلاس نال خطاب اچ آکھی جیں وچ گوادر پورٹ، کورنگی فش ہاربر، میرین فشریز اَتے بلوچستان چیمبر دے نمائندے شریک ہن۔ محمد جنید انوار چوہدری آکھیے جو ایکوا کلچر پارک نال سمندری خوراک دی برآمدات کوں ودھارا مِلسی، پاکستانی ساحلی پاݨی ایکوا کلچر کیتے ٻہوں موزوں ہن۔ انہاں کورنگی فش ہاربر اتھارٹی کوں ݙاہ ݙینھ وچ رپورٹ جمع کراوݨ دی ہدایت کریندے آکھیا جو ایکوا کلچر اَتے پورٹ انفراسٹرکچر وچ سرمایہ کاری قومی ترقی کیتے ضروری اے، بلوچستان وچ وی ایہو ایکوا کلچر ماڈل نافذ کریسوں۔ انہاں دا آکھݨ ہئی جو میرین فشریز ݙیپارٹمنٹ دا سب آفس گوادر پورٹ اتھارٹی دے دفتر منتقل کرݨ دا فیصلہ کیتا ڳئے، دفتراں دی منتقلی نال ادارہ جاتی ہم آہنگی اَتے فیصلہ سازی وچ تیزی آسی۔
