اسلام آباد (اے پی پی) وزیراعظم محمد شہباز شریف نال نوجوان اتے باصلاحیت ڈیجیٹل کنٹینٹ کریٹر طلحہ احمد ملاقات کیتی، جیں اچ وزیراعظم انہاں دیاں تخلیقی صلاحیتاں اتے ڈیجیٹل پلیٹ فارمز تے کامیابی دی تعریف کیتی۔ وزیراعظم دفتر میڈیا ونگ توں جاری بیان موجب وزیراعظم طلحہ احمد کوں انہاں دیاں کامیاب ڈیجیٹل کوششاں تے خراج تحسین پیش کیتا اتے انہاں دے کم کوں نوجوان نسل کیتے باعث فخر قرار ݙتا۔ …
وزیراعظم محمد شہباز شریف نال پاکستانی کنٹینٹ کریٹر طلحہ احمد دی ملاقات
اسلام آباد (اے پی پی) وزیراعظم محمد شہباز شریف نال نوجوان اتے باصلاحیت ڈیجیٹل کنٹینٹ کریٹر طلحہ احمد ملاقات کیتی، جیں اچ وزیراعظم انہاں دیاں تخلیقی صلاحیتاں اتے ڈیجیٹل پلیٹ فارمز تے کامیابی دی تعریف کیتی۔ وزیراعظم دفتر میڈیا ونگ توں جاری بیان موجب وزیراعظم طلحہ احمد کوں انہاں دیاں کامیاب ڈیجیٹل کوششاں تے خراج تحسین پیش کیتا اتے انہاں دے کم کوں نوجوان نسل کیتے باعث فخر قرار ݙتا۔ وزیراعظم طلحہ احمد کوں انہاں دیاں صلاحیتاں دے اعتراف اچ اعزازی شیلڈ اتے ہک الیکٹرانک ٹیبلٹ ݙتا۔ ایں موقع تے وزیراعظم آکھیا جو پاکستان دے نہ صرف نوجوان بلکہ ٻال وی پوری دنیا اچ آپݨی قابلیت دا لوہا منویندے پئن اتے طلحہ احمد ایں دی ہک روشن مثال ہن۔ طلحہ احمد وزیراعظم دا شکریہ ادا کریندے آکھیا جو انہاں دی حوصلہ افزائی نوجواناں کیتے ہک مثبت پیغام اے۔
