وزیرِاعظم محمد شہباز شریف دی پاک فضائیہ کوں برطانیہ اچ منعقدہ رائل انٹرنیشنل ایئر ٹیٹو ایئر شو اچ ایوارڈز جتݨ تے مبارخ

اسلام آباد (اے پی پی) وزیرِاعظم محمد شہباز شریف پاک فضائیہ کوں برطانیہ اچ منعقدہ رائل انٹرنیشنل ایئر ٹیٹو (RIAT) ایئر شو اچ ایوارڈز جتݨ تے مبارخ ݙیندے آکھیے جو پاک فضائیہ دی پیشہ ورانہ صلاحیتاں دی اِکیویں صدی دی ساریاں توں وݙی اتے لمبی فضائی جنگ اچ بہترین کارکردگی دی پاروں رہندی دنیا تئیں مثال ݙتی ویسی۔ وزیراعظم دفتر دے میڈیا ونگ توں جاری بیان موجب، وزیرِاعظم پاک فضائیہ دے ایف-17 تھنڈر بلاک سی اتے سی-130 دی شاندار کارکردگی تے پاک فضائیہ دی قیادت، پائلٹس اتے ٹیکنیشنز دی پیشہ ورانہ صلاحیتاں دی تعریف کریندے آکھیا جو اللہ دے فضل و کرم نال پاک فضائیہ دی قیادت دے وژن اتے پائلٹس و ٹیکنیشنز دی پیشہ ورانہ صلاحیتاں پاروں پاکستان دا ناں پوری دنیا اچ روشن تھیندا پئے۔وزیرِاعظم آکھیا جو پاک فضائیہ مئی 2025 اچ دشمن دے 6 طیارے ڈھا تے عملی میدان اچ آپݨا لوہا منوائے، پاک فضائیہ دیاں کامیابیاں ایں ڳالھ دی عکاس ہن جو پاکستان دیاں فضائی حداں دا دفاع تکڑے ہتھاں اچ اے۔ وزیراعظم آکھیا جو پاک فضائیہ دی پیشہ ورانہ صلاحیتاں دی اِکیویں صدی دی ساریاں توں وݙی اتے لمبی فضائی جنگ اچ بہترین کارکردگی پاروں رہندی دنیا تئیں مثال ݙتی ویسی۔