عالمی اعزازات پاک فضائیہ دی پیشہ ورانہ مہارت، جدید فضائی تیاری، عالمی معیار دی تربیت دا منہ ٻولیندا ثبوت اے، وفاقی وزیر داخلہ محسن نقوی

اسلام آباد 20جولائی(اے پی پی) وفاقی وزیر داخلہ محسن نقوی آکھیے جو عالمی اعزازات پاک فضائیہ دی پیشہ ورانہ مہارت، جدید فضائی تیاری اتے عالمی معیار دی تربیت دا منہ ٻولیندا ثبوت ہن۔ پاک فضائیہ دی ٹیم دنیا دے ساریں توں وݙے ایئر شو اچ ایجھا عملی مظاہرہ کیتا جیں دنیا دیاں وݙیاں فضائی قوتاں کوں وی داد ݙیوݨ تے مجبور کر ݙتا، اڄوکی پاک بھارت کشیدگی اچ دشمن دے فضائی عزائم خاک اچ ملاوݨ آلی پی اے ایف عالمی سطح تے وی آپݨی سبقت دا لوہا منوائے، پی اے ایف صرف ہک فضائیہ نی بلکہ قومی جذبے دا پرچم بردار ادارہ اے۔وزارت داخلہ توں جاری بیان موجب وفاقی وزیر داخلہ محسن نقوی پاکستان ایئر فورس کوں رائل انٹرنیشنل شو اچ ݙو ٹرافیاں جتݨ تے زبردست لفظاں اچ خراج تحسین پیش کریندے آکھیا جو پاک فضائیہ دے شاہیناں کوں عالمی اعزازات تے دلوں مبارخ ݙینداں ۔ محسن نقوی آکھیا جو رائل انٹرنیشنل ایئر شو 2025 اچ پاکستان فضائیہ جے ایف-17 تھنڈر اتے سی-130 ہرکولیس دی بدولت “Spirit of the Meet” اتے “Concours d’Élégance” ٹرافیاں جت تے تاریخ رقم کیتی اے۔ وفاقی وزیر آکھیا جو اے عالمی اعزازات پاک فضائیہ دی پیشہ ورانہ مہارت، جدید فضائی تیاری اتے عالمی معیار دی تربیت دا منہ ٻولیندا ثبوت ہن