آئی ایس پی آر سمر انٹرنشپ 2025 دے طالب علماں دا یادگارِ شہداء دا دورہ، پھل چڑھائے ڳئن

اسلام آباد۔20جولائی(اے پی پی) آئی ایس پی آر سمر انٹرنشپ 2025 دے طالب علماں یادگارِ شہداء دا دورہ کیتا اتے یادگارِ شہداء تے پُھل چڑھائے اتے دعا وی کیتی۔ ایں موقع تے طالب علماں دیاں نم اَکھیں نال عقیدت دے ݙیوے ٻالیے اتے وطن دے جانثاراں کوں شاندار خراجِ عقیدت پیش کریندے آکھیا جو “اساݙے شہداء اساݙا ماݨ ہن اتے اساں آپݨے شہداء کوں کݙاہیں نئیں بھل سڳدے”۔ انہاں آکھیا جو “اساں فوج توں ہاں اتے فوج اساݙے توں اے”۔سمر انٹرنشپ 2025 دے طالب علماں آکھیا جو یادگارِ شہداء صرف سنگ مرمر اتے پتھراں نال نئیں بݨائی ڳئی بلکہ “اساݙے شہداء دے خون نال بݨائی ڳئی اے”۔ انہاں آرمی میوزیم اتے انسٹیٹیوٹ آف ملٹری ہسٹری دا وی دورہ کیتا، میوزیم اچ رکھیے نایاب اتے تاریخی ہتھیار و آلات ݙیکھ تے طالب علم محظوظ تھئے۔ انہاں آکھیا جو “پاک فوج عوام توں اے اتے عوام پاک فوج توں اے”۔