سپیکر قومی اسمبلی دی پاک فضائیہ کوں برطانیہ اچ رائل انٹرنیشنل ایئر ٹیٹو 2025 شو اچ ایوارڈز جتݨ تے مبارخ

اسلام آباد۔20جولائی(اے پی پی) سپیکر قومی اسمبلی سردار ایاز صادق پاک فضائیہ کوں برطانیہ اچ منعقد تھیوݨ آلے رائل انٹرنیشنل ایئر ٹیٹو 2025 دے شو اچ ایوارڈز جتݨ تے مبارخ ݙتی اے۔ اتوار کوں قومی اسمبلی سپیکر میڈیا سیل توں جاری بیان موجب سپیکر قومی اسمبلی پاک فضائیہ کیتے نیک خواہشات دا اظہار کریندے جے ایف-17 تھنڈر بلاک سی اتے سی-130 دی اعلیٰ کارکردگی تے پائلٹس، ٹیکنیشنز اتے قیادت کوں خراجِ تحسین پیش کریندے آکھیا جو پاک فضائیہ دیاں کامیابیاں پاکستان دیاں دفاعی صلاحیتاں دا مظہر ہن۔سپیکر قومی اسمبلی آکھیا جو پاک فضائیہ عالمی سطح تے پاکستان دا ناں روشن کیتا، دشمن دے چھی طیارے مار ڈھاوݨ پاک فضائیہ دی پیشہ ورانہ مہارت دا منہ ٻولیندا ثبوت اے۔ انہاں آکھیا جو رائل ایئر شو اچ پاک فضائیہ دی کامیابی قومی وقار دی جت اے، پاکستان دی فضائی حداں دا دفاع باصلاحیت اتے تکڑے ہتھاں اچ اے۔ سپیکر قومی اسمبلی وطن دے محافظاں کوں خراجِ تحسین پیش کریندے آکھیا جو قوم کوں تہاݙے تے ماݨ اے۔