سکیورٹی فورسز دی قلات اچ کارروائی، “فتنۃ الہندوستان” دے 4 دہشت گرد ہلاک

راولپنڈی20 جولائی(اے پی پی) سکیورٹی فورسز قلات اچ کارروائی کریندے “فتنۃ الہندوستان” دے 4 دہشت گرداں کوں جہنم واصل کر ݙتا۔ آتوِر کوں آئی ایس پی آر دی طرفوں جاری اعلامیہ موجب ، 19 اتے 20 جولائی دی وچلی رات سکیورٹی فورسز بلوچستان دے ضلع قلات اچ خفیہ اطلاعت دی بنیاد تے آپریشن کیتا، جتھاں بھارتی ایجنٹ تنظیم “فتنۃ الہندوستان” دے دہشت گرداں دی موجودگی دی اطلاع ہائی۔آپریشن دے دوران، افواج دہشت گرداں دے ٹھکاݨے کوں مؤثر انداز اچ نشانہ بݨایا اتے شدید فائرنگ دے تبادلے دے بعد چار بھارتی سرپرستی اچ کم کرݨ آلے دہشت گرداں کوں جہنم واصل کر ݙتا۔ دہشت گرداں توں اسلحہ، گولہ بارود اتے دھماکہ خیز مواد وی برآمد تھیا، اے دہشت گرد علاقے اچ ٻہوں سارے دہشت گرد سرگرمیاں اچ ملوث رہندے ہن۔ علاقے اچ مزید دہشت گرداں دی موجودگی دے خدشے دے پیش نظر آپریشن جاری ہے۔آئی ایس پی آر موجب ، پاکستانی سکیورٹی فورسز ملک توں بھارتی سرپرستی اچ تھیوݨ آلی دہشت گردی دے ناسور کوں ختم کرݨ کیتے پرعزم ہن اتے قوم ایں عزم کوں دہریندی ہے جو دہشت گردی اچ ملوث عناصر کوں انصاف دے کچاری اچ گھن آیا ویسی۔