سکیورٹی فورسز دا پولیس، لیویز، سی ٹی ڈی اتے ضلعی انتظامیہ دے نال ضلع مالاکنڈ اچ چار ݙینھ دا مشترکہ آپریشن، 9 خوارجی ہلاک اتے 8 گرفتار، آئی ایس پی آر

راولپنڈی 20 جولائی (اے پی پی) سکیورٹی فورسز 16 توں 20 جولائی 2025 دے دوران پولیس، لیویز، سی ٹی ڈی اتے ضلعی انتظامیہ دے نال ضلع مالاکنڈ اچ خفیہ معلومات دی بنیاد تے مشترکہ آپریشن کیتا جیں اچ 9 خوارجی ہلاک اتے 8 گرفتار کیتے ڳئے۔ اتوِر کوں آئی ایس پی آر دی طرفوں جاری بیان موجب اے آپریشن بھارتی ایجنٹ تنظیم “فتنہ الخوارج” توں تعلق رکھݨ آلے خوارج دی موجودگی دیاں اطلاعت تے کیتا ڳیا ہئی۔چار ݙینھ تے مشتمل ایں آپریشن دے دوران، افواج مہارت دے نال خوارج دے ٹھکاݨے کوں گھیرے اچ ڳھدا اتے مؤثر انداز اچ نشانہ بݨایا۔ شدید اتے مسلسل فائرنگ دے تبادلیں دے بعد بھارتی سرپرستی اچ کم کرݨ آلے 9 خوارجی جہنم واصل کیتے ڳئے جݙاں جو 8 خوارج کوں گرفتار کر ڳھدا ڳئے۔ خوارج دے زیر استعمال ݙو ٹھکاݨے وی تباہ کیتے ڳئن اتے وݙی مقدار اچ اسلحہ، گولہ بارود اتے دھماکہ خیز مواد برآمد تھیا۔آئی ایس پی آر موجب علاقے دے مقامی لوکاں ایں آپریشن دی تعریف کیتی ریاست دی انسدادِ دہشت گردی دیاں کوششاں نال مکمل حمایت دا اظہار کیتا۔ علاقے اچ مزید خوارج دی موجودگی دے خدشے دے پیش نظر کلیئرنس دا عمل جاری اے۔ آئی ایس پی آر آکھیے جو سکیورٹی فورسز اتے قانون نافذ کرݨ آلے ادارے پوری قوم دے نال بھارتی سرپرستی اچ تھیوݨ آلی دہشت گردی دے ناسور کوں منڈھوں مکاوݨ کیتے پرعزم ہن۔