نائب وزیراعظم تے وزیر خارجہ اسحاق ڈار، مسئلہ فلسطین دے ݙو ریاستی حل تے تھیوݨ آلی بین الاقوامی کانفرنس اچ پاکستان دی نمائندگی کیتے نیویارک پُج ڳئے

اسلام آباد۔21جولائی  (اے پی پی) نائب وزیراعظم تے وزیر خارجہ سینیٹر محمد اسحاق ڈار 8 ݙینھ دے سرکاری دورے تے نیویارک پُج ڳئن۔ ترجمان دفتر خارجہ ولوں جاری بیان موجب 21 جولائی توں 28 جولائی 2025 تئیں آپݨے دورے اچ نائب وزیراعظم تے وزیر خارجہ سلامتی کونسل اچ پاکستان دی صدارت دے تحت اعلیٰ سطحی خصوصی تقریبات دی سربراہی کریسن، نیویارک اتے واشنگٹن ڈی سی اچ ݙو پاسہ اتے کثیر الجہتی ملاقاتاں کریسن، اتے سعودی عرب اتے فرانس دی سانجھی میزبانی اچ ݙو ریاستی حل تے تھیوݨ آلی بین الاقوامی کانفرنس اچ پاکستان دی نمائندگی کریسن۔ نیویارک پُجݨ تے نائب وزیراعظم تے وزیر خارجہ دا اقوام متحدہ اچ پاکستان دے مستقل مندوب اتے امریکہ اچ پاکستان دے سفیر استقبال کیتا۔