اسلام آباد۔22جولائی (اے پی پی)شاہراہِ بابوسر اتے قراقرم ہائی وے تے اڄوکے سیلاب پاروں پھتے سیاحاں اتے مسافراں کوں بچاوݨ کیتے پاک فوج بھرپور ریسکیو آپریشن شروع کیتے۔ پاک فوج دے ہیلی کاپٹراں ہݨ تئیں 15 سارٹیز دے ذریعے کئی لوکاں کوں محفوظ ڄاہ تے پڄائے۔ پاک فوج اتے گلگت بلتستان سکاؤٹس دی ٹیماں متاثرہ بندیاں کوں کھاوݨ پیوݨ دی شئیں اتے زخمیاں کوں فوری طبی امداد ݙیندی پئن۔ سڑکاں …
شاہراہ بابوسر اتے قراقرم ہائی وے تے پاک فوج دا ریسکیو آپریشن جاری، عوام توں متاثرہ علاقیاں دے سفر توں گریز دی اپیل
مزید خبراں
اسلام آباد۔22جولائی (اے پی پی)شاہراہِ بابوسر اتے قراقرم ہائی وے تے اڄوکے سیلاب پاروں پھتے سیاحاں اتے مسافراں کوں بچاوݨ کیتے پاک فوج بھرپور ریسکیو آپریشن شروع کیتے۔ پاک فوج دے ہیلی کاپٹراں ہݨ تئیں 15 سارٹیز دے ذریعے کئی لوکاں کوں محفوظ ڄاہ تے پڄائے۔ پاک فوج اتے گلگت بلتستان سکاؤٹس دی ٹیماں متاثرہ بندیاں کوں کھاوݨ پیوݨ دی شئیں اتے زخمیاں کوں فوری طبی امداد ݙیندی پئن۔ سڑکاں دی بحالی کیتے مشینری اتے افرادی قوت رات توں مسلسل کم کریندی پئی اے، جݙاں جو ملبہ ہٹاوݨ اتے رستے کھولݨ دا عمل وی جاری اے۔ گم تھیوݨ آلے بندیاں دی ڳول کیتے سرچ اینڈ ریسکیو ٹیماں مشکل پہاڑی علاقیاں اچ سرگرم ہن۔ پاک فوج اتے ریسکیو اہلکاراں دی پیشہ ورانہ کارکردگی وݙے پیمانے تے انسانی جاناں بچائن۔ متعلقہ ادارے صورتحال نال نبڑݨ کیتے مربوط اقدامات کریندے پئن۔ ایں وچال عوام توں اپیل کیتی ڳئی ہے جو متاثرہ علاقیاں دا سفر کرݨ توں گریز کیتا ونجے۔
