وزیر اعظم دا قلات اچ 8 دہشت گرداں کوں جہنم واصل کرݨ تے سکیورٹی فورسز کوں خراج تحسین

اسلام آباد۔22 جولائی(اے پی پی)وزیر اعظم محمد شہباز شریف قلات اچ سکیورٹی آپریشن اچ گزریل ڈو ݙینھ اچ 8 دہشت گرداں کوں جہنم واصل کرݨ تے سکیورٹی فورسز کوں خراج تحسین پیش کریندے آکھیے جو معصوم شہریاں دے جان و مال کوں نقصان ݙیوݨ آلے دہشت گرداں دے ناپاک ارادے مٹی اچ رلا ݙیسوں۔ ہک بیان موجب وزیر اعظم آکھیا جو پاکستان دی سالمیت دے دشمن فتنہ الہندوستان کوں منݙھو مکا ݙیسوں، حکومت اتے سکیورٹی فورسز ملک توں دہشت گردی دے مکمل خاتمے کیتے پرعزم ہن۔