وفاقی وزیر داخلہ دا قلات اچ بھارتی سپانسرڈ 4 دہشت گرداں کوں جہنم واصل کرݨ تے سکیورٹی فورسز کوں خراج تحسین

اسلام آباد۔22 جولائی (اے پی پی)وفاقی وزیر داخلہ محسن نقوی قلات اچ بھارتی سپانسرڈ دہشت گرداں دے خلاف کامیاب انٹیلیجنس بیسڈ آپریشن اچ 4 دہشت گرداں کوں جہنم واصل کرݨ تے سکیورٹی فورسز کوں خراج تحسین پیش کیتے۔ وزارت داخلہ ولوں جاری بیان اچ وزیر داخلہ محسن نقوی سکیورٹی فورسز دی پیشہ وارانہ صلاحیتاں کوں سراہا۔ انہاں آکھیا جو 4 بھارتی حمایت یافتہ دہشت گرداں کوں جہنم واصل کرݨ تے سکیورٹی فورسز کوں سلام پیش کریندے ہیں۔ محسن نقوی آکھیا جو سکیورٹی فورسز ویلھے تے کارروائی کر تے انڈین سپانسرڈ دہشت گرداں دے ناپاک ارادیاں کوں ناکام بݨائے۔ قوم فتنہ الہندوستان دے دہشت گرداں دے خاتمے کیتے سکیورٹی فورسز دیاں کارروائیاں تے ماݨ کریندی اے۔ وفاقی وزیر داخلہ محسن نقوی آکھیا جو بھارتی سپانسرڈ دہشت گرداں دا عبرتناک انجام اے سنیہا اے جو پاکستان اچ ایں فتنے کوں لکݨ دی ڄاہ نا ملسی۔ محسن نقوی آکھیا جو پاکستان توں فتنہ الہندوستان دے ہک ہک دہشت گرد دا صفایا کریسوں۔