صدرِ مملکت دا قلات اچ فتنہ الہندوستان دے 8 دہشت گرداں کوں مکاوݨ تے سکیورٹی فورسز کوں خراجِ تحسین

اسلام آباد۔22 جولائی(اے پی پی)صدرِ مملکت آصف علی زرداری قلات، بلوچستان اچ فتنہ الہندوستان دے 8 دہشت گرداں کوں جہنم واصل کرݨ تے سکیورٹی فورسز کوں خراجِ تحسین پیش کریندے آکھیے جو قوم ہک مُٹھ اے، دہشت گردی کوں ہر صورت ناکام بݨایا ویسی۔ صدرِ مملکت آصف علی زرداری آکھیا جو سکیورٹی فورسز جرات اتے پیشہ ورانہ مہارت نال ملک دشمن عناصر کوں کیفرِ کردار تئیں پڄائے۔ صدرِ مملکت آکھیا جو دہشت گردی دے خلاف جنگ اچ قوم اپݨیاں بہادر فورسز دے نال کھڑی اے۔ آصف علی زرداری آکھیا جو دہشت گرد امن و استحکام کوں سبوتاژ کرݨ چاہندن جیںدی اجازت نئیں ݙتی ونڄ سڳدی۔ صدرِ مملکت آکھیا جو دہشت گردی دے مکمل خاتمے تئیں سکیورٹی فورسز دیاں کارروائیاں جاری رہسن۔