اسلام آباد۔23 جولائی (اے پی پی) صدرِ مملکت آصف علی زرداری نال آسٹریا دی سبکدوش تھیوݨ آلی سفیر اینڈریا وِکے ایوانِ صدر اچ الوداعی ملاقات کیتی، صدرِ مملکت ݙو پاسہ تعلقات دے ودھارے اچ سفیر دی خدمتاں دی تعریف کیتی۔ ایوانِ صدر دے پریس ونگ ولوں بدھ کوں جاری بیان موجب ملاقات اچ وفاقی وزیر داخلہ محسن نقوی وی موجود ہن۔ صدرِ مملکت ݙو پاسہ تعلقات دے ودھارے اچ آسٹرین …
صدرِ مملکت آصف علی زرداری نال آسٹریا دی سبکدوش تھیوݨ آلی سفیر دی ایوانِ صدر اچ الوداعی ملاقات، آصف علی زرداری آپسی تعلقات دے ودھارے اچ اینڈریا وِکے دی خدمتاں دی تعریف کیتی
مزید خبراں
اسلام آباد۔23 جولائی (اے پی پی) صدرِ مملکت آصف علی زرداری نال آسٹریا دی سبکدوش تھیوݨ آلی سفیر اینڈریا وِکے ایوانِ صدر اچ الوداعی ملاقات کیتی، صدرِ مملکت ݙو پاسہ تعلقات دے ودھارے اچ سفیر دی خدمتاں دی تعریف کیتی۔ ایوانِ صدر دے پریس ونگ ولوں بدھ کوں جاری بیان موجب ملاقات اچ وفاقی وزیر داخلہ محسن نقوی وی موجود ہن۔ صدرِ مملکت ݙو پاسہ تعلقات دے ودھارے اچ آسٹرین سفیر دی خدمتاں کوں سراہا۔ انہاں آکھیا جو پاکستان آسٹریا نال تعلقات کوں بہوں اہمیت ݙیندے، ݙو پاسہ تجارت اتے اقتصادی تعاون ودھاوݨ دی لوڑھ اے۔ صدر مملکت آکھیا جو آسٹریا دے سرمایہ کار پاکستان دے سیاحتی شعبے اچ سرمایہ کاری دے موقع توں فیدہ چا سڳدن، پاکستان آسٹریا دی الپائن ٹوورازم اچ مہارت توں فیدہ چا سڳدے۔ صدر مملکت آکھیا جو آسٹریا دی کمپنیاں پاکستان دے تربیت یافتہ آئی ٹی ماہرین دی خدمتاں توں فیدہ چا سڳدن۔ انہاں آسٹریا دے صدر کیتے نیک خواہشات دا سنیھا وی ݙتا۔ صدر مملکت سبکدوش سفیر اینڈریا وِکے کوں ذمہ واریاں خوش اسلوبی نال مکمل کرݨ تے مبارخ وی ݙتی۔
