اسلام آباد۔23 جولائی(اے پی پی)وزیر اعظم محمد شہباز شریف ملک بھر اچ بارشاں اتے سیلاب توں متاثرہ علاقیاں اچ ریسکیو آپریشنز کوں ٻیا ودھاوݨ اتے تیکھا کرݨ دی ہدایت کریندے آکھیے سڑکاں بند تھیوݨ نال پھسیے ہوئے مسافراں کوں رہائش، خوراک سودھا ہر ممکن سوکھ ݙتا ونڄے۔ وزیر اعظم لینڈ سلائیڈنگ پاروں بند شاہراواں خاص کر شاہراہ قراقرم اتے ناران-بابوسر-چلاس شاہراہ تے بحالی دا کم تکھا کرݨ دی ہدایت کریندے …
وزیراعظم دی بارشاں اتے سیلاب نال متاثرہ علاقیاں اچ ریسکیو آپریشنز ودھاوݨ دی ہدایت
مزید خبراں
اسلام آباد۔23 جولائی(اے پی پی)وزیر اعظم محمد شہباز شریف ملک بھر اچ بارشاں اتے سیلاب توں متاثرہ علاقیاں اچ ریسکیو آپریشنز کوں ٻیا ودھاوݨ اتے تیکھا کرݨ دی ہدایت کریندے آکھیے سڑکاں بند تھیوݨ نال پھسیے ہوئے مسافراں کوں رہائش، خوراک سودھا ہر ممکن سوکھ ݙتا ونڄے۔ وزیر اعظم لینڈ سلائیڈنگ پاروں بند شاہراواں خاص کر شاہراہ قراقرم اتے ناران-بابوسر-چلاس شاہراہ تے بحالی دا کم تکھا کرݨ دی ہدایت کریندے آکھیا جو مسافراں اتے سیاحواں کوں سوکھ ملݨا چاہیدے۔ وزیر اعظم چیف سیکریٹری گلگت بلتستان کوں ہدایت کیتی جو سیلاب توں متاثرہ علاقیاں اچ وبائی بیماریاں روکݨ کیتے اقدامات انتہائی ضروری ہن، مون سون دے آوݨ آلے سپیلز کیتے این ڈی ایم اے، پی ڈی ایم ایز، گلگت بلتستان اتے آزاد جموں و کشمیر دے ڈیزاسٹر مینجمنٹ دے ادارے رل تے لائحہ عمل بݨاون، شہری سیلاب توں بچاوݨ کیتے میونسپل ادارے نکاسی آب اتے سیوریج دے بہترین اقدامات کرن۔ وزیر اعظم ملک اچ بارشاں اتے سیلاب توں تھیوݨ آلے جانی و مالی نقصانات تے افسوس کریندے حادثیاں اتے سیلاب اچ جاں بحق تھیوݨ آلیاں کیتے دعا کیتی۔
