نائب وزیر اعظم سینیٹر اسحاق ڈار نال سعودی وزیر اقتصادیات و منصوبہ بندی فیصل فاضل الابراہیم دی ملاقات

نیویارک۔23 جولائی(اے پی پی)نائب وزیر اعظم و وزیر خارجہ سینیٹر اسحاق ڈار نال سعودی وزیر اقتصادیات و منصوبہ بندی فیصل فاضل الابراہیم ملین۔ ݙوہاں رہنماواں فوڈ سکیورٹی، مینوفیکچرنگ اتے کان کنی ڄھیں اہم شعبیاں اچ تعاون ودھاوݨ ، سرمایہ کاری اتے تکنیکی تعاون اڳو تے ٹورݨ تے اتفاق کیتے۔ ترجمان دفتر خارجہ موجب نائب وزیر اعظم سینیٹر اسحاق ڈار اقوام متحدہ دی سلامتی کونسل دی صدارت ویلھے اعلیٰ سطح تقریبات اچ سعودی وزیر معیشت و منصوبہ بندی فیصل فاضل ابراہیم نال ملین، انہاں پاکستان اتے مملکت سعودی عرب وچال ڳھاٹے تعلقات اتے پائیدار امن، جامع خوشحالی اتے علاقائی ہم آہنگی دے مشترکہ وژن کوں دوہرایا۔ انہاں فوڈ سکیورٹی، مینوفیکچرنگ اتے کان کنی ڄھیں اہم شعبیاں اچ تعاون ودھاوݨ تے توجہ ݙیندے ݙوہاں ملکاں دے باہمی فائدے کیتے سرمایہ کاری اتے تکنیکی تعاون اڳو تے ٹورݨ تے وی اتفاق کیتا۔