اسلام آباد۔24 جولائی (اے پی پی) وفاقی وزیر اقتصادی امور احد خان چیمہ نال ایریزونا سٹیٹ یونیورسٹی اتے نیشنل انسٹیٹیوٹ آف ٹیکنالوجی دے حکام تے مشتمل اعلیٰ سطحی وفد ملاقات کیتی اتے ݙوہیں اداریں وچال تھیوݨ آلے اشتراک بارے تفصیلی بریفنگ ݙتی۔ وزارت توں جاری بیان موجب احد خان چیمہ نیشنل انسٹیٹیوٹ آف ٹیکنالوجی لاہور اتے ایریزونا سٹیٹ یونیورسٹی وچال تعاون دی تعریف کریندے آکھیا جو ایریزونا سٹیٹ یونیورسٹی …
وفاقی وزیراقتصادی امور احد خان چیمہ نال ایریزونا سٹیٹ یونیورسٹی اتے نیشنل انسٹیٹیوٹ آف ٹیکنالوجی دے اعلیٰ سطحی وفد دی ملاقات
مزید خبراں
اسلام آباد۔24 جولائی (اے پی پی) وفاقی وزیر اقتصادی امور احد خان چیمہ نال ایریزونا سٹیٹ یونیورسٹی اتے نیشنل انسٹیٹیوٹ آف ٹیکنالوجی دے حکام تے مشتمل اعلیٰ سطحی وفد ملاقات کیتی اتے ݙوہیں اداریں وچال تھیوݨ آلے اشتراک بارے تفصیلی بریفنگ ݙتی۔ وزارت توں جاری بیان موجب احد خان چیمہ نیشنل انسٹیٹیوٹ آف ٹیکنالوجی لاہور اتے ایریزونا سٹیٹ یونیورسٹی وچال تعاون دی تعریف کریندے آکھیا جو ایریزونا سٹیٹ یونیورسٹی دنیا دیاں بہترین جامعات وچوں ہک اے، ایں دا پاکستانی ادارے دے نال اشتراک خوش آئند اے۔ انہاں آکھیا جو پاکستانی طلباء کوں ہݨ ٹیکنالوجی اتے ٻئے جدید شعبیں اچ ہک ٻئے معیاری تعلیمی ادارے دی سہولت میسر آسی، کوشش ہوسی جو ایریزونا سٹیٹ یونیورسٹی جیھے ٻئے بین الاقوامی ادارے وی پاکستان دا رُخ کرن تاں جو اساں تعلیمی میدان اچ ترقی دے نویں رستے کھول سڳوں۔ وفاقی وزیر آکھیا جو نینگراں دے روشن مستقبل دا انحصار جدید تعلیم اتے ٹیکنالوجی تے اے، انشاء اللہ ہائر ایجوکیشن کمیشن کوں ہک مزید مضبوط ادارہ بݨایا ویسی تاں جو ملک تعلیمی میدان اچ نمایاں ترقی کرے۔ وفد ایں موقع تے نیشنل انسٹیٹیوٹ آف ٹیکنالوجی کوں ہک سٹیٹ آف دی آرٹ ادارہ بݨاوݨ دے عزم دا اعادہ کیتا اتے مستقل تعاون تے وفاقی حکومت دا شکریہ ادا کیتا۔
