پاکستان-ترکیہ مشترکہ سٹینڈنگ کمیٹی برائے سلامتی، دفاع اتے خفیہ معلومات دا پہلا اجلاس

اسلام آباد۔24جولائی(اے پی پی)پاکستان اتے ترکیہ وچال مشترکہ سٹینڈنگ کمیٹی (جے ایس سی) برائے سلامتی، دفاع اتے خفیہ معلومات دا پہلا اجلاس اسلام آباد اچ تھئے۔ اجلاس اچ فریقین عالمی اتے علاقائی سلامتی دے مسئلیاں دے نال نال ابھردے جغرافیائی رجحانات تے الایا۔ دفتر خارجہ دے ترجمان آکھیے جو ترکیہ دے وفد دی قیادت ڈائریکٹر جنرل برائے جنوبی ایشیا، سفیر جہاد ارگینے، جݙاں جو پاکستانی وفد دی سربراہی وزارت خارجہ دے ایڈیشنل سیکرٹری (افغانستان و مغربی ایشیا)، سفیر سید علی اسد گیلانی کیتی۔ ایں کمیٹی کوں پاکستان اتے ترکیہ وچال 12-13 فروری 2025 کوں تھیوݨ آلی اعلیٰ سطح سٹریٹجک کوآپریشن کونسل (ایچ ایل ایس سی سی) دے ستویں اجلاس دے بعد ٻݨایا ڳیا ہا۔ فریقین عالمی اتے علاقائی سلامتی دے مسئلیاں تے ڳالھ کیتی۔ جے ایس سی دے مباحثاں نال پاکستان دے نائب وزیر اعظم و وزیر خارجہ اتے ترکیہ دے وزیر خارجہ دی مشترکہ سربراہی اچ تھیوݨ آلی جوائنٹ کمیشن دیاں تیاریاں اچ مدد ملسسی۔ پاکستان اتے ترکیہ وچال مضبوط تاریخی اتے کثیر الجہتی تعلقات ہن جیڑھے مشترکہ مذہبی، ثقافتی اتے سٹریٹجک رشتیاں نال جڑیے ہوئن۔ ݙوہائیں ملک دفاع، تجارت، توانائی، نقل و حمل، ثقافت، سیاحت، تعلیم، دفاعی صنعتاں، زراعت، صحت، سائنس اتے ٹیکنالوجی سودھا کئی شعبیاں اچ ڳھاٹا تعاون کریندے پئن۔