اسلام آباد۔25جولائی (اے پی پی) وزیراعظم محمد شہباز شریف ڈاکٹر عافیہ صدیقی دے معاملے تے حکومت ولوں ہر ممکن قانونی تے سفارتی مدد ݙیوݨ کیتے کمیٹی ٻݨا ݙتی اے۔ خمیس کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف نال ڈاکٹر عافیہ صدیقی دی بھیݨ ڈاکٹر فوزیہ صدیقی ملاقات کیتی۔ وزیراعظم آکھیا جو حکومت ڈاکٹر عافیہ صدیقی دے معاملے اچ غافل نئیں، حکومت ولوں پہلے …
وزیراعظم شہباز شریف ڈاکٹر عافیہ صدیقی دے معاملے قانونی تے سفارتی مدد ݙیوݨ کیتے کمیٹی ٻݨا ݙتی
مزید خبراں
اسلام آباد۔25جولائی (اے پی پی) وزیراعظم محمد شہباز شریف ڈاکٹر عافیہ صدیقی دے معاملے تے حکومت ولوں ہر ممکن قانونی تے سفارتی مدد ݙیوݨ کیتے کمیٹی ٻݨا ݙتی اے۔ خمیس کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف نال ڈاکٹر عافیہ صدیقی دی بھیݨ ڈاکٹر فوزیہ صدیقی ملاقات کیتی۔ وزیراعظم آکھیا جو حکومت ڈاکٹر عافیہ صدیقی دے معاملے اچ غافل نئیں، حکومت ولوں پہلے وی ڈاکٹر عافیہ صدیقی دے معاملے اچ سفارتی تے قانونی مدد ݙتی ویندی پئی اے۔ وزیراعظم ڈاکٹر فوزیہ صدیقی کوں ڈاکٹر عافیہ صدیقی دے معاملے اچ ہݨ وی حکومت ولوں ہر ممکن قانونی تے سفارتی مدد ݙیوݨ دا یقین ݙوائے۔وزیراعظم ایں معاملے اچ ٻئی پیش رفت کیتے وفاقی وزیر قانون تے انصاف اعظم نذیر تارڑ دی صدارت اچ ہک کمیٹی وی ٻݨا ݙتی اے، کمیٹی ڈاکٹر فوزیہ صدیقی نال ایں بارے رابطے اچ رہسی اتے ممکنہ معاونت کیتے کم کریسی۔ واضح رہے جو وزیراعظم پہلے وی اوں ویلھے دے امریکا دے صدر جو بائیڈن کوں ڈاکٹر عافیہ صدیقی بارے خط بھیجیا ہا۔
