وزیراعظم شہباز شریف دی قیادت اچ پاکستان پنج گنا وݙے دشمن کوں عبرتناک شکست ݙتی، عظمیٰ بخاری

لاہور۔25جولائی (اے پی پی) وزیر اطلاعات پنجاب عظمیٰ بخاری آکھیے جو وزیراعظم محمد شہباز شریف دی قیادت اچ پاکستان پنج گنا وݙے دشمن کوں عبرتناک شکست ݙتی۔ پاکستان دا نوجوان بھارت دے خلاف تاریخی فتح تے اپݨٰی بہادر افواج کوں خراج تحسین پیش کریندے۔ آپݨے ھک بیان اچ انہاں آکھیے پاک فوج آپریشن “بنیان مرصوص” اچ تاریخی فتح قوم کوں ݙیوائی، پوری دنیا پاک فوج دی دفاعی صلاحیتاں اتے پیشہ وارانہ قابلیت دی معترف اے۔ وزیراعظم محمد شہباز شریف دی قیادت اچ پاکستان اپݨٖے توں پنج گنا وݙے دشمن کوں عبرتناک شکست ݙتی، پاکستان دا نوجوان بھارت دے خلاف تاریخی فتح تے اپݨی بہادر افواج کوں خراج تحسین پیش کریندے۔عظمیٰ بخاری آکھیا جو فیلڈ مارشل سید عاصم منیر دی بہتر جنگی حکمت عملی پاروں بھارت جنگ بندی تے مجبور تھیا۔ پاکستان دے آرمی چیف کوں امریکی صدر کھاݨے دی دعوت تے سݙیا جیڑھی ہک اعزاز دی ڳالھ اے۔ وزیر اطلاعات آکھیا جو بانی پی ٹی آئی شدید ڈپریشن دے عالم وچ فیلڈ مارشل دے خلاف پروپیگنڈہ مہم چلیندے پئن۔ بانی پی ٹی آئی اتے انہاں دا سوشل میڈیا اداریں دے سربراہان دے خلاف پروپیگنڈہ مہم کوں لیڈ کریندن۔ انہاں آکھیا جو بانی پی ٹی آئی اپݨے دور حکومت اچ مخالفین کوں جیلاں وچ پاوݨ دے علاوہ کوئی کم نئیں کیتا اتے اڄ انہاں کوں قانون دی حکمرانی یاد آندی پئی اے، 9 مئی دے سازشی کرداراں اتے سہولت کاراں کوں عدالت دی طرفوں سزاواں تھیندیاں پئن، ایہا قانون دی حکمرانی اے۔